Business
പുതുതലമുറ മാരുതി സുസുക്കി എര്‍ട്ടിഗയുടെ ബുക്കിംഗ് ആരംഭിച്ചു
മാരുതി സുസുക്കി അരീന ഡീലര്‍ഷിപ്പുകള്‍ സന്ദര്‍ശിച്ച് 11,000 രൂപയ്ക്ക് പുതിയ എര്‍ട്ടിഗ ബുക്ക് ചെയ്യാവുന്നതാണ്.
ന്യൂഡല്‍ഹി| രാജ്യത്തെ ഏറ്റവും വലിയ കാര്‍ നിര്‍മ്മാതാക്കളായ മാരുതി സുസുക്കി ഇന്ത്യ അടുത്ത തലമുറ എര്‍ട്ടിഗയുടെ ബുക്കിംഗ് ആരംഭിച്ചതായി പ്രഖ്യാപിച്ചു. ഒപ്പം പുതിയ എര്‍ട്ടിഗയുടെ ആദ്യ ഔദ്യോഗിക ടീസര്‍ ചിത്രവും കമ്പനി പുറത്തുവിട്ടു. ഇന്ത്യയില്‍ ഏറ്റവുമധികം വിറ്റഴിക്കപ്പെടുന്ന എംപിവികളിലൊന്നാണ് എര്‍ട്ടിഗ. എര്‍ട്ടിഗയുടെ മൂന്നാം തലമുറ മോഡലാണ് വരാനിരിക്കുന്നത്. പെട്രോള്‍ എഞ്ചിന്‍ കൂടാതെ, നെക്സ്റ്റ്-ജെന്‍ എര്‍ട്ടിഗ എസ്-സിഎന്‍ജി ഇപ്പോള്‍ ഇസെഡ്എക്‌സ്‌ഐ വേരിയന്റില്‍ ലഭ്യമാകും.
ഉപഭോക്താക്കള്‍ക്ക് മാരുതി സുസുക്കി അരീന ഡീലര്‍ഷിപ്പുകള്‍ സന്ദര്‍ശിച്ച് 11,000 രൂപയ്ക്ക് പുതിയ എര്‍ട്ടിഗ ബുക്ക് ചെയ്യാവുന്നതാണ്. നെക്സ്റ്റ്-ജെന്‍ കെ-സീരീസ് 1.5 ലിറ്റര്‍ ഡ്യുവല്‍ ജെറ്റ്, പ്രോഗ്രസീവ് സ്മാര്‍ട്ട്‌ഹൈബ്രിഡ് ടെക്‌നോളജിയുള്ള ഡ്യുവല്‍ വിവിടി എഞ്ചിനാണ് പുതിയ എര്‍ട്ടിഗയ്ക്ക് കരുത്തേകുന്നത്.
പുതിയ മാരുതി സുസുക്കി എര്‍ട്ടിഗയുടെ ഒരു ടീസര്‍ ചിത്രം മാത്രമേ പുറത്തിറങ്ങിയിട്ടുള്ളൂ. പുതിയ മോഡലിന് ഒരു പുതിയ ഫ്‌ളൂയിഡിക് ഡിസൈന്‍ ലഭിക്കുന്നുണ്ട്. പുതിയ എര്‍ട്ടിഗയ്ക്ക് മെച്ചപ്പെടുത്തിയ രൂപകല്‍പ്പനയും, പുതിയ സാങ്കേതികവിദ്യയും സുസുക്കി കണക്ട് എന്ന കണക്റ്റഡ് കാര്‍ സാങ്കേതികവിദ്യ ഉള്‍പ്പെടെയുള്ള സൗകര്യ സവിശേഷതകളും ലഭിക്കുമെന്നാണ് പ്രതീക്ഷിക്കുന്നത്.
Latest
വനിതാ ഹോസ്റ്റലില്‍ നിന്നും 1.3കിലോ കഞ്ചാവ് പിടികൂടി; രണ്ട് പേര്‍ അറസ്റ്റില്‍
മോദി പരിഭ്രാന്തിയില്‍, താമസിയാതെ വേദിയില്‍ പൊട്ടിക്കരഞ്ഞേക്കും: രാഹുല്‍
കോഴിക്കോട് കക്കാടംപൊയിലില്‍ വോട്ട് ചെയ്യാന്‍ പോയ കുടുംബം സഞ്ചരിച്ച കാര്‍ കത്തി നശിച്ചു
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
ഇരട്ട വോട്ട് ചെയ്യാനെത്തിയ യുവതിയെ തിരിച്ചയച്ചു
ഇന്റര്‍മീഡിയറ്റ് പരീക്ഷയില്‍ തോറ്റു; തെലങ്കാനയില്‍ ഏഴ് വിദ്യാര്‍ത്ഥികള്‍ ആത്മഹത്യ ചെയ്തു
