Kerala
മയക്കു മരുന്ന് നിര്‍മ്മാണത്തിന് ഉപയോഗിക്കുന്ന ഗുളികയുമായി യുവാക്കള്‍ പിടിയില്‍
ചെങ്ങന്നുര്‍ ജുഡിഷ്യല്‍ ഒന്നാം ക്ലാസ് മജിസ്ട്രേറ്റ് കോടതിയില്‍ ഹാജരാക്കിയ പ്രതികളെ 14 ദിവസത്തേക്ക് റിമാന്‍ഡ് ചെയ്തു.
ചെങ്ങന്നൂര്‍| മയക്കു മരുന്ന് നിര്‍മ്മാണത്തിന് ഉപയോഗിക്കുന്ന ഗുളികയുമായി രണ്ടുപേര്‍ പിടിയില്‍. രഹസ്യ വിവരം ലഭിച്ചതിനെതുടര്‍ന്ന് മന്നാര്‍ പോലീസ് നടത്തിയ അന്വേഷണത്തിലാണ് യുവാക്കള്‍ പിടിയിലായത്. നൈട്രോസെപാം എന്ന മയക്കു മരുന്ന് നിര്‍മ്മാണത്തിന് ഉപയോഗിക്കുന്ന ഗുളികയാണ് കണ്ടെത്തിയത്.
കൊല്ലം കരുനാഗപ്പള്ളി ഓച്ചിറ മേമന തട്ടേക്കാട്ട് കോട്ടയില്‍ സാഫത്ത്(24), ഓച്ചിറ മേമന കുറച്ചിരേത്ത് ഇര്‍ഫാദ് (22)എന്നിവരെയാണ് പിടികൂടിയത്. ഡോക്ടറുടെ വ്യാജ കുറിപ്പടിയുമായാണ് പ്രതികള്‍ ജില്ലയിലെ പുതിയ മെഡിക്കല്‍ സ്റ്റോറുകള്‍ കണ്ടെത്തി ഈ ഗുളികകള്‍ വാങ്ങിയിരുന്നത്. ഇതിനായി വ്യാജ കുറിപ്പടി നെറ്റില്‍ നിന്നും ഡൗണ്‍ലോഡ് ചെയ്തെടുക്കാറാണ് പതിവ്.
സാഫത്തിന്റെ പേരില്‍ മോഷണവും ഇര്‍ഫാദിന്റെ പേരില്‍ കഞ്ചാവ് കേസും നിലവിലുണ്ട്. ചെങ്ങന്നുര്‍ ജുഡിഷ്യല്‍ ഒന്നാം ക്ലാസ് മജിസ്ട്രേറ്റ് കോടതിയില്‍ ഹാജരാക്കിയ പ്രതികളെ 14 ദിവസത്തേക്ക് റിമാന്‍ഡ് ചെയ്തു.
Latest
നിമിഷ പ്രിയയുടെ മോചനത്തിനായി പ്രധാനമന്ത്രി നേരിട്ട് ഇടപെടണം; കെസി വേണുഗോപാല്‍
ആലപ്പുഴയില്‍ വിദ്യാര്‍ത്ഥിയെക്കൊണ്ട് ബിജെപി നേതാവിന്റെ കാല്‍ കഴുകിച്ചു; മന്ത്രി ശിവന്‍കുട്ടി റിപ്പോര്‍ട്ട് തേടി
കമ്പ്യൂട്ടിംഗ് മേഖലയിലെ അടിസ്ഥാന സൗകര്യ അസമത്വം പരിഹരിക്കുന്നതിന് അന്താരാഷ്ട്ര സഹകരണം വേണം: സഊദി അറേബ്യ
ജനറൽ ആശുപത്രി മഞ്ചേരിയിൽ നിലനിർത്തണം: കേരള മുസ്ലിം ജമാഅത്ത്
ഇനി കേരളത്തില്‍ പരാജയപ്പെട്ടാല്‍ കോണ്‍ഗ്രസ്സിന്റെ മരണം: ദീപാ ദാസ് മുന്‍ഷി
ഡല്‍ഹിയില്‍ നാലുനില കെട്ടിടം തകര്‍ന്നുവീണു; നിരവധി ആളുകള്‍ കുടുങ്ങിക്കിടക്കുന്നതായി റിപ്പോര്‍ട്ട്
