വയലാര്‍ അനുസ്മരണവും ക്വിസ് മത്സര വിജയികളെ ആദരിക്കലും

കുണ്ടൂപറമ്പ് | യൂനിയന്‍ വായനശാല ഹാപ്പിനെസ്സ് ഫോര്‍ത്തിന്റെ ആഭിമുഖ്യത്തില്‍ വയലാര്‍ അനുസ്മരണവും ക്വിസ് മത്സര വിജയികളെ ആദരിക്കലും സംഘടിപ്പിച്ചു. ആഴ്ചവട്ടം ഗവ. ഹയര്‍ സെക്കന്‍ഡറി സ്‌കൂള്‍ പ്രിന്‍സിപ്പല്‍ ബീന പൂവത്തില്‍ ഉദ്ഘാടനവും മുഖ്യ പ്രഭാഷണവും നിര്‍വഹിച്ചു.

ലൈബ്രറി കൗണ്‍സില്‍ നോര്‍ത്ത് മേഖലാ സമിതി കണ്‍വീനര്‍ കെ സന്തോഷ്, ഹാപ്പിനെസ്സ് ഫോറം സെക്രട്ടറി എന്‍ പി മനോജ്കുമാര്‍ ആശംസകളര്‍പ്പിച്ചു.

വായനശാലാ പ്രസിഡന്റ് എം സി സുദേഷ്‌കുമാര്‍ അധ്യക്ഷത വഹിച്ചു. സെക്രട്ടറി ടി പ്രകാശന്‍ സ്വാഗതവും ജോ. സെക്രട്ടറി എന്‍ പി ഗോപാലകൃഷ്ണന്‍ നന്ദിയും പറഞ്ഞു. പ്രാദേശിക ഗായകരുടെ ഗാനമേളയും ഉണ്ടായിരുന്നു.