Career Education
യൂനാനി എം ഡി എന്‍ട്രന്‍സ്; കേരളത്തില്‍ ഒന്നാം റാങ്ക് മര്‍കസ് വിദ്യാര്‍ഥിക്ക്
കണ്ണൂര്‍ പുതിയതെരു സ്വദേശി ഡോ. വി എന്‍ മുഹമ്മദ് മുര്‍ഷിദ് ആണ് സംസ്ഥാനത്ത് ഒന്നാമനായത്.
നോളജ് സിറ്റി | ഓള്‍ ഇന്ത്യ ആയുഷ് പി ജി എന്‍ട്രന്‍സ് ടെസ്റ്റ് (AIAPGET) ല്‍ കേരളത്തില്‍ ഒന്നാം റാങ്ക് മര്‍കസ് യൂനാനി മെഡിക്കല്‍ കോളജ് വിദ്യാര്‍ഥിക്ക്. കണ്ണൂര്‍ പുതിയതെരു സ്വദേശി ഡോ. വി എന്‍ മുഹമ്മദ് മുര്‍ഷിദ് ആണ് സംസ്ഥാനത്ത് ഒന്നാമനായത്. അഖിലേന്ത്യാടിസ്ഥാനത്തില്‍ 56ാം റാങ്കും ഒ ബി സി കാറ്റഗറിയില്‍ 26ാം റാങ്കും മുര്‍ഷിദ് നേടി. ആദ്യ ശ്രമത്തില്‍ തന്നെ ഈ നേട്ടം കൈവരിച്ചു എന്നത് ശ്രദ്ധേയമാണ്. മര്‍കസ് നോളജ് സിറ്റിയിലുള്ള കേരളത്തിലെ ആദ്യ യൂനാനി മെഡിക്കല്‍ കോളജായ മര്‍കസ് യൂനാനി മെഡിക്കല്‍ കോളജിലെ ആദ്യ ബാച്ച് വിദ്യാര്‍ഥിയാണ് മുര്‍ഷിദ്.
കേരളത്തിലെ കോളജില്‍ പഠിച്ച് ഓള്‍ ഇന്ത്യ ആയുഷ് പി ജി എന്‍ട്രന്‍സ് ടെസ്റ്റില്‍ ഒരാള്‍ കേരളത്തില്‍ ഒന്നാമനാകുന്നത് ഇത് ആദ്യമായാണ്. ഡോക്ടറായി പുറത്തിറങ്ങി പരിശീലനം പൂര്‍ത്തിയാക്കിയ ശേഷം കണ്ണൂര്‍ കാല്‍ടെക്സിലും കക്കാടും തുടങ്ങിയ ക്ലിനിക്കുകളില്‍ സേവനം ചെയ്യുകയാണ് മുഹമ്മദ് മുര്‍ഷിദ്. യൂനാനി പഠനത്തോടൊപ്പം കൈതപ്പൊയില്‍ മസ്ജിദു താബിഹീനിലെ തഹ്ലീമുസ്സുന്ന ദര്‍സില്‍ നിന്നും മത പഠനവും പൂര്‍ത്തിയാക്കിയിട്ടുണ്ട്. കൂടാതെ, ഹൈദരാബാദിലെ ജാമിയ നിസാമിയയില്‍ നിന്ന് നിസാമി ബിരുദ പഠനവും പൂര്‍ത്തിയാക്കി.
വളപട്ടണം ടി എം മുസ്തഫയുടെയും കീരിയാട് വി എന്‍ ആയിഷ അസ്ഫലയുടെയും മകനാണ് ഡോ. മുഹമ്മദ് മുര്‍ഷിദ്. മുബഷിര്‍, മുന്‍ദിര്‍, ഫാത്വിമ സഹ്റ, ഹല ബീഗം എന്നിവര്‍ സഹോദരങ്ങളാണ്.
Latest
കശ്മീര്‍: മൂന്നാം കക്ഷി ഇടപെടല്‍ അനുവദിക്കില്ലെന്ന് ഇന്ത്യ
ഓപ്പറേഷൻ സിന്ദൂറിലെ മിന്നും പ്രകടനം; കൂടുതൽ എസ് -400 വ്യോമ പ്രതിരോധ സംവിധാനത്തിനായി റഷ്യയെ സമീപിച്ച് ഇന്ത്യ
ട്രെയിനില്‍ ബെര്‍ത്ത് വീണ് യുവതിക്ക് പരുക്കേറ്റത് യാത്രക്കാരന്റെ അശ്രദ്ധ മൂലമെന്ന് റെയില്‍വേ
കുടുംബാരോഗ്യ കേന്ദ്രത്തില്‍ ആഴ്ചയില്‍ രണ്ട് ദിവസം ക്യാന്‍സര്‍ സ്‌ക്രീനിംഗ് ക്ലിനിക്
അമൃത്‌സര്‍ വ്യാജ മദ്യ ദുരന്തം: മരണ സംഖ്യ 16 ആയി
കണ്ണൂര്‍ മുഴപ്പിലങ്ങാട് സ്വദേശി ദമാമില്‍ നിര്യാതനായി
