Uae
യു എ ഇ പ്രസിഡന്റ് ശൈഖ് മുഹമ്മദിന് ഇറാനിലേക്ക് ക്ഷണം
ഇറാന്‍ നേതാവ് ഇബ്രാഹിം റൈസിയാണ് ക്ഷണിച്ചത്.
അബൂദബി | യു എ ഇ പ്രസിഡന്റ് ശൈഖ് മുഹമ്മദ് ബിന്‍ സായിദ് അല്‍ നഹ്യാന് ഇറാനിലേക്ക് ക്ഷണം. ഇറാന്‍ നേതാവ് ഇബ്രാഹിം റൈസിയാണ് ക്ഷണിച്ചത്. അബൂദബിയിലെ വിദേശകാര്യ മന്ത്രാലയത്തില്‍ നടന്ന കൂടിക്കാഴ്ചയില്‍ ഇറാന്‍ പ്രസിഡന്റിന് വേണ്ടി യു എ ഇ അംബാസഡര്‍ റെസ അമീരി മന്ത്രി ഖലീഫ അല്‍ മാരാര്‍ക്ക് ക്ഷണക്കത്ത് കൈമാറി.
ഉഭയകക്ഷി ബന്ധം മെച്ചപ്പെടുത്തുന്നതിനുള്ള ശ്രമങ്ങളുടെ ഭാഗമായി ഇറാന്‍ വിദേശകാര്യ മന്ത്രി ഹുസൈന്‍ അമിറാബ്ദുല്ലാഹിയാനുമായി ജൂണില്‍ അബൂദബിയില്‍ ശൈഖ് മുഹമ്മദ് ചര്‍ച്ച നടത്തിയിരുന്നു. അല്‍ ഷാതി കൊട്ടാരത്തില്‍ നടന്ന കൂടിക്കാഴ്ചയില്‍ മേഖലയില്‍ സ്ഥിരതയും സമൃദ്ധിയും വര്‍ധിപ്പിക്കേണ്ടതിന്റെ പ്രാധാന്യത്തെക്കുറിച്ച് ഇരു നേതാക്കളും ചര്‍ച്ച ചെയ്തു. അബൂദബി സന്ദര്‍ശനത്തിനെത്തിയ അമിറാബ്ദുല്ലാഹിയാന്‍, ശൈഖ് മുഹമ്മദിന് റെയ്സിയുടെ ആശംസകള്‍ അറിയിക്കുകയും യു എ ഇയുടെ പുരോഗതിക്കും സമൃദ്ധിക്കും വേണ്ടി ആഹ്വാനം ചെയ്യുകയും ചെയ്തു.
കഴിഞ്ഞ മാര്‍ച്ചില്‍ അബൂദബിയില്‍ ഇറാന്റെ ഉന്നത സുരക്ഷാ ഉദ്യോഗസ്ഥരില്‍ ഒരാളായ സുപ്രീം നാഷണല്‍ സെക്യൂരിറ്റി കൗണ്‍സില്‍ സെക്രട്ടറി അലി ഷംഖാനിയുമായി ശൈഖ് മുഹമ്മദ് കൂടിക്കാഴ്ച നടത്തിയിരുന്നു. ദേശീയ സുരക്ഷാ ഉപദേഷ്ടാവും അബൂദബി ഉപ ഭരണാധികാരിയുമായ ശൈഖ് തഹ്നൂന്‍ ബിന്‍ സായിദ്, ഉപ പ്രധാനമന്ത്രിയും പ്രസിഡന്‍ഷ്യല്‍ കോടതി മന്ത്രിയുമായ ശൈഖ് മന്‍സൂര്‍ ബിന്‍ സായിദ് എന്നിവരും യോഗത്തില്‍ പങ്കെടുത്തു.
Latest
നാവികസേന മേധാവിയായി ദിനേശ് കുമാര്‍ ത്രിപാഠി ചുമതലയേറ്റു
ത്രിപുരയില്‍ പോളിങ് ഉദ്യോഗസ്ഥനെ മര്‍ദിച്ച സംഭവം; ബി.ജെ.പി നേതാവ് അറസ്റ്റില്‍
ലൈംഗികാതിക്രമം; പ്രജ്വല്‍ രേവണ്ണയെ ജെഡിഎസില്‍ നിന്ന് സസ്പെന്‍ഡ് ചെയ്തു
കളങ്കിത കൂട്ടുകെട്ട് പൊതുപ്രവര്‍ത്തകര്‍ക്ക് ഭൂഷണമല്ല; ശോഭ സുരേന്ദ്രനെതിരെ ബിജെപി സംസ്ഥാന വൈസ് പ്രസിഡന്റ്
വൈദ്യുതി ഉപഭോഗം റെക്കോര്‍ഡ് പിന്നിട്ടു; ലോഡ് ഷെഡ്ഡിങ്ങ് ഏര്‍പ്പെടുത്തണമെന്ന് കെ എസ് ഇ ബി
കെ എസ് ആര്‍ ടി സിക്ക് കുറുകെ കാര്‍ നിര്‍ത്തി തടസം സൃഷ്ടിച്ചു; ആര്യ രാജേന്ദ്രനും സച്ചിന്‍ദേവിനുമെതിരെ കേസെടുക്കണമെന്ന് മനുഷ്യാവകാശ കമ്മീഷന് പരാതി
