National
മുംബൈയില്‍ നിര്‍മാണത്തിലിരിക്കുന്ന കെട്ടിടത്തിന്റെ 42ാം നിലയില്‍ നിന്ന് കല്ല് വീണ് രണ്ട് പേര്‍ മരിച്ചു
ശബീര്‍, ഇംറാന്‍ എന്നിവരാണ് അപകടത്തില്‍ മരിച്ചത്.
മുംബൈ| മുംബൈയിലെ വോര്‍ളിയില്‍ നിര്‍മ്മാണത്തിലിരുന്ന കെട്ടിടത്തില്‍ നിന്ന് കല്ല് വീണ് രണ്ടു പേര്‍ക്ക് ദാരുണാന്ത്യം. ചൊവ്വാഴ്ച രാത്രി 9.40ഓടെയാണ് സംഭവം. ശബീര്‍, ഇംറാന്‍ എന്നിവരാണ് അപകടത്തില്‍ മരിച്ചത്. വോര്‍ളിയിലെ ഫോര്‍ സീസണ്‍സ് വളപ്പില്‍ നിര്‍മ്മാണ പ്രവൃത്തികള്‍ നടക്കുന്ന 42 നിലയുള്ള കെട്ടിടത്തിന്റെ മുകളില്‍ നിന്നാണ് കല്ല് താഴേക്ക് വീണത്.
താഴെ നിര്‍ത്തിയിട്ടിരുന്ന കാറുകള്‍ക്കും കേടുപാടുകള്‍ സംഭവിച്ചിട്ടുണ്ട്. വിവരം അറിഞ്ഞ ഉടന്‍ പൊലീസും ആംബുലന്‍സും സ്ഥലത്തെത്തി. പരിക്കേറ്റ ശബീറിനെയും ഇംറാനെയും ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. മരിച്ച രണ്ട് പേരും നിര്‍മ്മാണത്തിലിരിക്കുന്ന കെട്ടിടത്തിന്റെ എതിര്‍വശത്തുള്ള ഹൗസിംഗ് സൊസൈറ്റിയില്‍ ജോലി ചെയ്യുന്നവരാണ്.
ചൊവ്വാഴ്ച രാത്രി ഭക്ഷണം കഴിച്ചശേഷം ചായ കുടിക്കാന്‍ എത്തിയതായിരുന്നു ഇവരെന്ന് വോര്‍ളി പൊലീസ് സ്റ്റേഷനിലെ സീനിയര്‍ പൊലീസ് ഇന്‍സ്പെക്ടര്‍ അനില്‍ കോലി പറഞ്ഞു.
മൃതദേഹങ്ങള്‍ പോസ്റ്റ്മോര്‍ട്ടത്തിനായി ബിഎംസി നായര്‍ ആശുപത്രിയിലേക്ക് അയച്ചു. സംഭവത്തില്‍ അന്വേഷണം ആരംഭിച്ചിട്ടുണ്ട്.
Latest
ദൗത്യം വിജയകരം; ഓപറേഷന്‍ സിന്ദൂര്‍ അവസാനിച്ചിട്ടില്ലെന്ന് വ്യോമസേന
പാക് വ്യോമതാവളം തകർന്നത് ചിത്ര സഹിതം പ്രസിദ്ധീകരിച്ച് പാക് മാധ്യമം
ഇന്ത്യയിലേക്കുള്ള വിമാന സർവീസുകൾ ഷെഡ്യൂൾ പ്രകാരമെന്ന് എയർലൈനറുകൾ
ഇന്ത്യ-പാകിസ്ഥാൻ വെടിനിർത്തലിനെ സ്വാഗതം ചെയ്ത് യു എ ഇ
കശ്മീര്‍ പ്രശ്‌ന പരിഹാരത്തിന് ഇടപെടാം; വെടിനിര്‍ത്തല്‍ പ്രഖ്യാപനത്തിന് പിന്നാലെ ട്രംപ്‌
മുണ്ടക്കൈ, ചുരല്‍മല ദുരന്തബാധിതരുടെ വീട്ടുവാടക മുടങ്ങി
