പെണ്‍കുട്ടിയെ ആക്രമിച്ച പോക്‌സോ കേസ് പ്രതി ആത്മഹത്യ ചെയ്ത നിലയില്‍

കൊച്ചി  | കൂത്താട്ടുകുളം ഇലഞ്ഞിയില്‍ പെണ്‍കുട്ടിയെ വീട്ടില്‍ കയറി വെട്ടിയ പോക്‌സോ കേസ് പ്രതി ആത്മഹത്യ ചെയത നിലയില്‍. പിതൃസഹോദരനാണ് പെണ്‍കുട്ടിയെ വെട്ടിപ്പരിക്കേല്‍പ്പിച്ചത്. ആക്രമണത്തില്‍ പരുക്കേറ്റ പെണ്‍കുട്ടി കോട്ടയം മെഡിക്കല്‍ കോളജ് ആശുപത്രിയില്‍ ചികിത്സയിലാണ് .

പ്രതിക്കായി തിരച്ചില്‍ നടത്തുന്നതിനിടെയാണ് മൃതദേഹം കണ്ടെത്തിയത്. സമീപത്തെ റബര്‍ തോട്ടത്തില്‍ തൂങ്ങിമരിച്ച നിലയില്‍ കാണുകയായിരുന്നു. പ്രതിക്കെതിരെ കഴിഞ്ഞ വര്‍ഷം പോലീസ് പോക്സോ കേസ് എടുത്തിരുന്നു. പെണ്‍കുട്ടി നല്‍കിയ പരാതിയിലായിരുന്നു കേസ്.