Kozhikode
കേരളത്തിൽ പഠിച്ച യൂനാനി ഡോക്ടർമാരുടെ ആദ്യ ബാച്ച് പുറത്തിറങ്ങുന്നു
കേരളത്തിലെ ആദ്യ യൂനാനി മെഡിക്കല്‍ കോളേജായ മര്‍കസ് യൂനാനി മെഡിക്കല്‍ കോളേജില്‍ നിന്നും പഠനം പൂര്‍ത്തിയാക്കിയ ആദ്യ ബാച്ച് വിദ്യാര്‍ത്ഥികളാണ് സേവന രംഗത്തേക്കിറങ്ങുന്നത്.
കോഴിക്കോട് | കേരളത്തിലെ ആദ്യ യൂനാനി മെഡിക്കല്‍ കോളേജായ മര്‍കസ് യൂനാനി മെഡിക്കല്‍ കോളേജില്‍ നിന്നും പഠനം പൂര്‍ത്തിയാക്കിയ ആദ്യ ബാച്ച് വിദ്യാര്‍ത്ഥികള്‍ പുറത്തിറങ്ങുന്നു. 51 വിദ്യാര്‍ഥികളുമായി 2015 ല്‍ ആരംഭിച്ച ആദ്യ ബാച്ചാണ് പരിശീലനം പൂര്‍ത്തിയാക്കി സേവന രംഗത്തേക്കിറങ്ങുന്നത്. പൂര്‍ണമായും കേരളത്തില്‍ പഠനം പൂര്‍ത്തിയാക്കി പുറത്തിറങ്ങുന്ന ആദ്യ യൂനാനി ഡോക്ടര്‍മാര്‍ എന്നത് ഇതിന്റെ ഒരു പ്രത്യേകതയാണ്.
ആദ്യ ബാച്ചിനുള്ള അനുമോദന ചടങ്ങ് നാളെ വ്യാഴാഴ്ച രാവിലെ മര്‍കസ് നോളജ് സിറ്റിയിലെ വലെന്‍സിയ ഗലേറിയ എക്‌സിബിഷന്‍ സെന്ററില്‍ നടക്കും. ചടങ്ങില്‍ കേരള ചീഫ് സെക്രട്ടറി ഡോ. വി പി ജോയ് ഐ എ എസ് മുഖ്യാതിഥിയായിരിക്കും. മര്‍കസ് നോളജ് സിറ്റി മാനേജിങ് ഡയറക്ടര്‍ ഡോ. മുഹമ്മദ് അബ്ദുല്‍ ഹകിം അസ്ഹരി അധ്യക്ഷത വഹിക്കും.
കേരള യൂനാനി മെഡിക്കല്‍ അസോസിയേഷന്‍ പ്രസിഡന്റ് ഡോ. കെ ടി അജ്മല്‍, മര്‍കസ് നോളജ് സിറ്റി സി ഇ ഒ ഡോ. അബ്ദുസ്സലാം മുഹമ്മദ്, സി എ ഒ അഡ്വ. തന്‍വീര്‍ ഒമര്‍, പി ജെ ആന്റണി, പ്രിന്‍സിപ്പല്‍ പ്രൊഫ. ശാഹുല്‍ ഹമീദ് തുടങ്ങിയവര്‍ ചടങ്ങില്‍ സംബന്ധിക്കും.
Latest
നാദാപുരത്ത് വീടിന് നേരെ സ്‌ഫോടക വസ്തു എറിഞ്ഞു
നിയമസഭയില്‍ ചോദ്യോത്തര വേളക്കിടെ മന്ത്രി വി ശിവന്‍കുട്ടിക്ക് ദേഹാസ്വാസ്ഥ്യം; ആശുപത്രിയില്‍ പ്രവേശിപ്പിച്ചു
ഗസ്സ വെടിനിര്‍ത്തല്‍ പ്രമേയത്തെ യു എന്‍ രക്ഷാസമതിയില്‍ വീണ്ടും വീറ്റോ ചെയ്ത് യു എസ്
നാദാപുരത്ത് വീടിനു നേരെ സ്‌ഫോടക വസ്തു എറിഞ്ഞു; നാടന്‍ ബോംബെന്ന് സൂചന
പോലീസ് സ്‌റ്റേഷനില്‍ പോകുന്നവര്‍ മൂക്കില്‍ പഞ്ഞിവെച്ച് തിരിച്ചുവരേണ്ട അവസ്ഥ; വിഷയം നിയമസഭയില്‍ ഉന്നതിക്കുന്നതില്‍ വീഴ്ച സംഭവിച്ചിട്ടില്ല: രമേശ് ചെന്നിത്തല
യു എ ഇ സെൻട്രൽ ബേങ്ക് പലിശ നിരക്ക് കുറച്ചു
