Kerala
ശ്രീജിത്ത് മൂത്തേടത്തിന് കേന്ദ്ര ബാലസാഹിത്യ പുരസ്‌കാരം
ശ്രീജിത്തിന്റെ 'പെന്‍ഗ്വിനുകളുടെ വന്‍കരയില്‍' എന്ന നോവലാണ് പുരസ്‌കാരം നേടിയത്.
ന്യൂഡല്‍ഹി | 2025-ലെ കേന്ദ്ര സാഹിത്യ അക്കാദമിയുടെ ബാലസാഹിത്യ പുരസ്‌കാരത്തിന് ശ്രീജിത്ത് മൂത്തേടത്ത് അര്‍ഹനായി. ശിലാഫലകവും 50,000 രൂപയുമടങ്ങുന്നതാണ് പുരസ്‌കാരം.
ശ്രീജിത്തിന്റെ ‘പെന്‍ഗ്വിനുകളുടെ വന്‍കരയില്‍’ എന്ന നോവലാണ് മലയാളത്തില്‍ നിന്നും പുരസ്‌കാരം നേടിയത്. 2022-ല്‍ ബാലസാഹിത്യ ഇന്‍സ്റ്റിറ്റ്യൂട്ട് പുറത്തിറക്കിയ പുസ്തകമാണിത്. ഗ്രേസി ജോസഫ്, ഡോ. പി കെ കുശലകുമാരി, രാജീവ് ഗോപാലകൃഷ്ണന്‍ എന്നിവര്‍ ജൂറി അംഗങ്ങളായിരുന്നു.
കേശവന്‍ വെള്ളിക്കുളങ്ങര സ്മാരക ബാലസാഹിത്യ പുരസ്‌കാരത്തിനും അമ്പലക്കര സി രവീന്ദ്രന്‍ മാസ്റ്ററുടെ സ്മരണാര്‍ഥം സരോവരം ബുക്‌സ് ഏര്‍പ്പെടുത്തിയ ബാലസാഹിത്യ പുരസ്‌കാരത്തിനും ‘പെന്‍ഗ്വിനുകളുടെ വന്‍കരയില്‍’ അര്‍ഹമായിരുന്നു.
നോവലിസ്റ്റും ചെറുകഥാകൃത്തും ബാലസാഹിത്യകാരനുമാണ് ശ്രീജിത്ത് മൂത്തേടത്ത്. തൃശൂര്‍ ജില്ലയിലെ ചേര്‍പ്പ് സി എന്‍ എന്‍ ഗേള്‍സ് ഹൈസ്‌കൂള്‍ അധ്യാപകനാണ്. പാലറ്റ്, നയന്‍മൊനി, നിണവഴിയിലെ നിഴലുകള്‍, ആഫ്രിക്കന്‍ തുമ്പികള്‍ തുടങ്ങിയവയാണ് പ്രധാന കൃതികള്‍.
Latest
ഇറാനെ ആക്രമിക്കാന്‍ സാധ്യതയുണ്ടെന്ന സൂചന നല്‍കി അമേരിക്ക
മാരാരിക്കുളത്ത് വി എസിനെ തോല്‍പ്പിച്ച പി ജെ ഫ്രാന്‍സിസ് അന്തരിച്ചു
നവജാത ശിശുവിന്റെ മരണം; കൊലപാതകമല്ലെന്ന് സൂചന
കോണ്‍ഗ്രസ് വര്‍ക്കിങ്ങ് കമ്മിറ്റി മോദി പ്രചാരകര്‍: മന്ത്രി പി രാജീവ്
''തെറിച്ചുവീണത് രണ്ട് കെട്ടിടങ്ങൾക്കിടയിലെ മൺതിട്ടയിൽ..."; ആ ദുരന്തത്തെ അതിജീവിച്ച കഥ വിവരിച്ച് വിശ്വാസ് കുമാർ
സംസ്ഥാനത്ത് കനത്ത മഴ തുടരും; കണ്ണൂരും കാസര്‍കോട്ടും ഓറഞ്ച് ജാഗ്രത
