National
രജൗരിയില്‍ കുഴിബോംബ് പൊട്ടിത്തെറിച്ച് സൈനികന് പരിക്ക്
പരിക്കേറ്റ സൈനികനെ ഉടന്‍ തന്നെ സൈനിക ആശുപത്രിയില്‍ പ്രവേശിപ്പിച്ചു.
ശ്രീനഗര്‍| ജമ്മു കശ്മീരിലെ രജൗരിയില്‍ നിയന്ത്രണ രേഖയ്ക്ക് സമീപം കുഴിബോംബ് പൊട്ടിത്തെറിച്ച് സൈനികന് പരിക്ക്. റൈഫിള്‍മാന്‍ ഗുരുചരണ്‍ സിംഗിനാണ് പട്രോളിംഗിനിടെ പരിക്കേറ്റത്. അബദ്ധത്തില്‍ ലാന്‍ഡ് മൈനില്‍ ചവിട്ടുകയായിരുന്നുവെന്ന് അധികൃതര്‍ അറിയിച്ചു. നൗഷേര സെക്ടറിലെ ഫോര്‍വേഡ് കാല്‍സിയന്‍ ഗ്രാമത്തിലാണ് സംഭവം.
പരിക്കേറ്റ സൈനികനെ ഉടന്‍ തന്നെ സൈനിക ആശുപത്രിയില്‍ പ്രവേശിപ്പിച്ചു. പ്രഥമ ശുശ്രൂഷയ്ക്കുശേഷം വിദഗ്ധ ചികിത്സയ്ക്കായി ഉധംപൂരിലെ കമാന്‍ഡ് ഹോസ്പിറ്റലിലേക്ക് എയര്‍ലിഫ്റ്റ് ചെയ്തതായും ഉദ്യോഗസ്ഥര്‍ അറിയിച്ചു.
നുഴഞ്ഞുകയറ്റ പ്രതിരോധ തന്ത്രത്തിന്റെ ഭാഗമായി സൈന്യം പലയിടങ്ങളിലായി കുഴിബോംബുകള്‍ സ്ഥാപിക്കാറുണ്ട്. സായുധരായ തീവ്രവാദികളെ തടയുകയാണ് ലക്ഷ്യം. എന്നാല്‍ ചിലപ്പോള്‍ മഴ കാരണം കുഴിബോംബുകള്‍ക്ക് സ്ഥാനഭ്രംശം സംഭവിക്കുകയും അബദ്ധത്തില്‍ സ്‌ഫോടനങ്ങള്‍ക്ക് കാരണമാവുകയും ചെയ്യാറുണ്ടെന്നും അധികൃതര്‍ വ്യക്തമാക്കി.
Latest
തോമസ് കപ്പ്: ഇന്ത്യ ക്വാര്‍ട്ടറില്‍
ഓയൂരില്‍ ആറ് വയസുകാരിയെ തട്ടിക്കൊണ്ടുപോയ കേസ്; അനുപമയുടെ ജാമ്യാപേക്ഷ തള്ളി
പരുക്കേറ്റ് ചികിത്സയിലായിരുന്ന യുവ പണ്ഡിതൻ നിര്യാതനായി
പതിനഞ്ചുകാരിയെ ലൈംഗികമായി പീഡിപ്പിച്ച കേസില്‍ പ്രതിക്ക് 21 വര്‍ഷം കഠിന തടവും 1.75 ലക്ഷം രൂപ പിഴയും
ഭിന്നശേഷിക്കാരിയായ 15കാരിയെ പീഡിപ്പിച്ച് ഗര്‍ഭിണിയാക്കി; യുവാവിന് 106 വര്‍ഷം കഠിന തടവും രണ്ടര ലക്ഷം രൂപ പിഴയും ശിക്ഷ
ലോക്‌സഭാ തിരഞ്ഞെടുപ്പ്: സംസ്ഥാനത്ത് 71.27 ശതമാനം പോളിങ്; അന്തിമ കണക്കുകള്‍ പുറത്തുവിട്ട് തിരഞ്ഞെടുപ്പ് കമ്മിഷന്‍
