Kerala
പ്രണയം നടിച്ച് പ്രായപൂര്ത്തിയാകാത്ത വിദ്യാര്ഥിനിയെ ലൈംഗിക പീഡനത്തിനിരയാക്കിയ യുവാവിന് 47 വര്ഷം കഠിനതടവ്
വാടാനപ്പള്ളി നടുവില്ക്കര പൂശാരി അമ്പലത്തിനടുത്ത് പണിക്കശ്ശേരി അമര് തേജസ് (26) നെയാണ് ചാവക്കാട് അതിവേഗ പ്രത്യേക കോടതി ശിക്ഷിച്ചത്
തൃശൂര് | പ്രണയം നടിച്ച് പ്രായപൂര്ത്തിയാകാത്ത വിദ്യാര്ഥിനിയെ പലതവണ ലൈംഗിക പീഡനത്തിനിരയാക്കിയ കേസില് യുവാവിനെ 47 വര്ഷം കഠിനതടവിനും 1,40,000 രൂപ പിഴയടക്കുന്നതിനും ശിക്ഷിച്ചു. വാടാനപ്പള്ളി നടുവില്ക്കര പൂശാരി അമ്പലത്തിനടുത്ത് പണിക്കശ്ശേരി അമര് തേജസ് (26) നെയാണ് ചാവക്കാട് അതിവേഗ പ്രത്യേക കോടതി ശിക്ഷിച്ചത്.
2021 ഓഗസ്റ്റ് മുതല് 2023 സെപ്റ്റംബര് വരെയുള്ള സമയത്താണ് കേസിന് ആസ്പദമായ സംഭവം. പിഴ അടക്കാത്ത പക്ഷം 14 മാസം കൂടി അധികതടവ് അനുഭവിക്കണം.പിഴ സംഖ്യ അതിജീവിതയ്ക്ക് നല്കാനും കോടതി ഉത്തരവില് പറഞ്ഞു. വാടാനപ്പള്ളി പോലീസ് രജിസ്റ്റര് ചെയ്ത കേസില് പ്രോസിക്യൂഷന് 20 സാക്ഷികളെ വിസ്തരിക്കുകയും 30 ഓളം രേഖകള് ഹാജരാക്കുകയും ചെയ്തു.
പ്രോസിക്യൂഷന് വേണ്ടി സ്പെഷ്യല് പബ്ലിക് പ്രോസിക്യൂട്ടര് അഡ്വ. സിജു മുട്ടത്ത്, അഡ്വ. സി നിഷ എന്നിവര് ഹാജരായി. ലെയ്സന് ഓഫീസറും സീനിയര് സി പി ഒയുമായ എം ആര് സിന്ധു കോടതിയില് പ്രോസിക്യൂഷന് നടപടികള് ഏകോപിപ്പിച്ചു.
Latest
സി ജെ റോയിയുടെ മരണം: നിക്ഷേപകര്ക്ക് ആശങ്ക വേണ്ടെന്ന് എം ഡി ടി എ ജോസഫ്
ഷിംജിതയുടെ കസ്റ്റഡി അപേക്ഷ ഇന്ന് പരിഗണിക്കും
പ്രഷര് വാഷറില് നിന്ന് ഷോക്കേറ്റു വിദ്യാര്ഥി മരിച്ചു
പ്രണയം നടിച്ച് പ്രായപൂര്ത്തിയാകാത്ത വിദ്യാര്ഥിനിയെ ലൈംഗിക പീഡനത്തിനിരയാക്കിയ യുവാവിന് 47 വര്ഷം കഠിനതടവ്
ശബരിമല സ്വര്ണകൊള്ള: മുഖ്യപ്രതി ഉണ്ണികൃഷ്ണന് പോറ്റിയും ജാമ്യം നേടി പുറത്തിറങ്ങിയേക്കും
മലപ്പുറം: ജില്ല പുന:ക്രമീകരണം സാധ്യമാക്കണം
