National
കന്യാസ്ത്രീകളുടെ ജാമ്യാപേക്ഷ: കേസ് ഡയറി ഹാജരാക്കാന്‍ നിര്‍ദേശിച്ച് എന്‍ ഐ എ കോടതി
ഹരജി ഇന്ന് വൈകിട്ട് അഞ്ചിനു ശേഷം പരിഗണിക്കും.
റായ്പുര്‍ | ഛത്തിസ്ഗഢില്‍ കന്യാസ്ത്രീകളെ അറസ്റ്റ് ചെയ്ത സംഭവത്തില്‍ കേസ് ഡയറി ഹാജരാക്കാന്‍ നിര്‍ദേശം. എന്‍ ഐ എ കോടതിയാണ് നിര്‍ദേശം നല്‍കിയത്. കേസ് ഡയറി പരിശോധിച്ചാവും കന്യാസ്ത്രീകളുടെ ജാമ്യഹരജി പരിഗണിക്കുക.
ബിലാസ്പൂരിലെ എന്‍ ഐ എ കോടതിയിലാണ് കന്യാസ്ത്രീകളുടെ ജാമ്യ ഹരജി സമര്‍പ്പിച്ചിരിക്കുന്നത്. ഹരജി ഇന്ന് വൈകിട്ട് അഞ്ചിനു ശേഷം പരിഗണിക്കും. മുതിര്‍ന്ന അഭിഭാഷകന്‍ അമൃതോ ദാസ് ആണ് കന്യാസ്ത്രീകള്‍ക്ക് വേണ്ടി കോടതിയില്‍ ഹാജരാവുക. ഹൈക്കോടതിയില്‍ ജാമ്യാപേക്ഷ നല്‍കിയാല്‍ കാലതാമസമുണ്ടാകും എന്ന വിലയിരുത്തലിലാണ് എന്‍ ഐ എ കോടതിയെ സമീപിക്കാന്‍ തീരുമാനിച്ചത്. കന്യാസ്ത്രീകളുടെ ആരോഗ്യനിലയുള്‍പ്പെടെ കോടതിയെ ബോധ്യപ്പെടുത്തും. മതപരിവര്‍ത്തനം മനുഷ്യക്കടത്തും ആരോപിച്ച് അറസ്റ്റിലായ മലയാളികളായ രണ്ട് കന്യാസത്രീകള്‍ എട്ട് ദിവസമായി ജയിലില്‍ കഴിയുകയാണ്.
കന്യാസ്ത്രീകളുടെ കുടുംബവും സഭാ അധികൃതരുമാണ് ജാമ്യാപേക്ഷയുമായി എന്‍ ഐ എ കോടതിയെ സമീപിക്കാന്‍ തീരുമാനമെടുത്തത്. കന്യാസ്ത്രീകളുടെ കുടുംബം, റായ്പുര്‍ അതിരൂപതാ നേതൃത്വം, റോജി എം ജോണ്‍ എം എല്‍ എ എന്നിവര്‍ അഭിഭാഷകനുമായി നടത്തിയ ചര്‍ച്ചയിലായിരുന്നു തീരുമാനം.
കോടതി നടപടി അനുസരിച്ച് തുടര്‍നീക്കം ആലോചിക്കും. മനുഷ്യക്കടത്ത് കേസ് ഉള്ളതിനാല്‍ എന്‍ ഐ എ കോടതിയെ സമീപിക്കാന്‍ നേരത്തെ ദുര്‍ഗ് സെഷന്‍സ് കോടതി നിര്‍ദേശിച്ചിരുന്നു. ജാമ്യാപേക്ഷയെ സെഷന്‍സ് കോടതിയില്‍ ഛത്തീസ്ഗഡ് സര്‍ക്കാര്‍ എതിര്‍ത്തിരുന്നു. കന്യാസ്ത്രീകളുടെ ജാമ്യാപേക്ഷ പരിഗണിക്കാന്‍ സെഷന്‍സ് കോടതിക്ക് അധികാരമില്ലെന്നായിരുന്നു പ്രോസിക്യൂഷന്‍ നിലപാട്.
Latest
വനത്തിനുള്ളില്‍ വീട്ടമ്മയും പശുവും മരിച്ച നിലയില്‍
ഛത്തീസ്ഗഡില്‍ ജയിലില്‍ കഴിയുന്ന മലയാളി കന്യാസ്ത്രീകളുടെ ജാമ്യാപേക്ഷയില്‍ വിധി ഇന്ന്
സഹോദരങ്ങള്‍ക്കൊപ്പം കളിക്കുന്നതിനിടെ കാണാതായ കുട്ടി വെള്ളക്കെട്ടില്‍ മരിച്ച നിലയില്‍
കാന്‍പുറില്‍ നിന്ന് ഗുജറാത്തിലേക്ക് പോവുകയായിരുന്നു ട്രെയിന്‍ പാളം തെറ്റി
സിനിമാ നടന്‍ കലാഭവന്‍ നവാസ് അന്തരിച്ചു
കേരള യൂണിവേഴ്സിറ്റി: താക്കോല്‍ മോഷണത്തിനുപിന്നില്‍ സുപ്രധാന രേഖകള്‍ കടത്താനുള്ള നീക്കമാണെന്ന് ആരോപണം
