Kerala
യുവതിയെ ഭീഷണിപ്പെടുത്തി പീഡിപ്പിച്ച യുവാവ് പിടിയില്‍
ഫോണ്‍ വഴി പരിചയപ്പെട്ടതിന് ശേഷം യുവതി നിരവധി ഫോട്ടോകള്‍ പ്രതിക്ക് കൈമാറിയിരുന്നു
കോഴിക്കോട് | ഫോണിലൂടെ പരിചയപ്പെട്ട യുവതിയെ ബ്ലാക്ക്‌മെയില്‍ ചെയ്തു പീഡിപ്പിച്ച പ്രതി നാലു വര്‍ഷത്തിനു ശേഷം പിടിയില്‍ .യുവതിയെ ഭീഷണിപ്പെടുത്തി വിവിധയിടങ്ങളില്‍ കൊണ്ടുപോയി പീഡിപ്പിച്ച കേസിലെ പ്രതി പന്തീരങ്കാവ് കൊടല്‍നടക്കാവ് കോലിതൊടുക്ക ഹൗസില്‍ അമീറിനെയാണ് കസബ പോലീസ് തമിഴ്നാട് സിക്കാലിയിലെ ഇറച്ചിക്കടയില്‍നിന്നു പിടികൂടിയത്.
2017ലാണ് കേസിനാസ്പദമായ സംഭവം . ഫോണ്‍ വഴി പരിചയപ്പെട്ടതിന് ശേഷം യുവതി നിരവധി ഫോട്ടോകള്‍ പ്രതിക്ക് കൈമാറിയിരുന്നു. ഈ ഫോട്ടോകള്‍ ഭര്‍ത്താവിനടക്കം നല്‍കുമെന്നു പറഞ്ഞാണ് എറണാകുളം സ്വദേശിനിയായ യുവതിയെ പീഡിപ്പിച്ചത്.ശല്യം സഹിക്കാതെ യുവതി പരാതി നല്‍കിയതിനെത്തുടര്‍ന്ന് ഇയാള്‍ ഒളിവില്‍ പോവുകയായിരുന്നു.
അതിനിടെ, അമീര്‍ പണം പലരില്‍നിന്നായി വായ്പ വാങ്ങിയിരുന്നു. പോലീസ് അന്വേഷണത്തിന് പുറമേ ഇവരും അമീറിനെക്കുറിച്ച് അന്വേഷിച്ചു. അടുത്തിടെ അമീര്‍ സുഹൃത്തിനെ ഫോണില്‍ ബന്ധപ്പെട്ടതോടെ അമീര്‍ തമിഴ്നാട്ടിലെ സിക്കാലിയിലുണ്ടെന്നു തിരിച്ചറിഞ്ഞു.ബൈക്കില്‍ ഇറച്ചി വില്‍പനയുമായി പോകുമ്പോഴായിരുന്നു പോലീസിന്റെ അപ്രതീക്ഷിത ഇടപെടല്‍. രക്ഷപ്പെടാന്‍ കഴിയാത്ത വിധം അമീറിനെ തടയുകയും പിടികൂടുകയുമായിരുന്നു.
Latest
പത്തനംതിട്ടയില്‍ യു ഡി എഫ് സ്ഥാനാര്‍ഥിയുടെ ദേഹത്ത് അജ്ഞാതര്‍ കരി ഓയില്‍ ഒഴിച്ചു
ജിദ്ദ നോര്‍ത്ത് സാഹിത്യോത്സവ്: 101 അംഗ സംഘാടക സമിതി രൂപീകരിച്ചു; ജനുവരി രണ്ടിന് കലാമാമാങ്കം
ഇരുചക്ര വാഹനത്തില്‍ നിന്നും റോഡിലേക്ക് വീണ യുവാവ് ടാങ്കര്‍ ലോറി കയറിയിറങ്ങി മരിച്ചു
വോട്ടര്‍ പട്ടികയില്‍ പേരില്ല; തീവ്ര വോട്ടര്‍ പട്ടിക പരിഷ്‌കരണത്തില്‍ ഞെട്ടി തിരുവല്ല എം എല്‍ എ മാത്യു ടി തോമസ്
പ്രതിയായ യുവതിയെ ഭീഷണിപ്പെടുത്തി നിരന്തരം പീഡിപ്പിച്ചു; ഡി വൈ എസ് പി ഉമേഷ് അവധിയില്‍ പ്രവേശിച്ചു
കാനത്തില്‍ ജമീല എംഎല്‍എ അന്തരിച്ചു
