Kerala
കേരള സര്‍വകലാശാല: സെനറ്റിലേക്ക് ആര്‍ എസ് എസ് അനുകൂലിയെ നിയമിച്ച ഗവര്‍ണറുടെ നടപടിക്കെതിരെ എസ് എഫ് ഐ
അനധികൃത നിയമനം മരവിപ്പിച്ചില്ലെങ്കില്‍ കരുത്തുള്ള പ്രക്ഷോഭങ്ങളുമായി മുന്നോട്ട് നീങ്ങുമെന്നും എസ് എഫ് ഐ സംസ്ഥാന പ്രസിഡന്റ് എം ശിവപ്രസാദ്, സെക്രട്ടറി പി എസ് സഞ്ജീവ് എന്നിവര്‍ അറിയിച്ചു
തിരുവനന്തപുരം | കേരള സര്‍വകലാശാല സെനറ്റിലേക്ക് ആര്‍ എസ് എസ് അനുകൂലിയെ നിയമിച്ച ഗവര്‍ണര്‍ രാജേന്ദ്ര ആര്‍ലേക്കറുടെ നടപടി പ്രതിഷേധാര്‍ഹമെന്ന് എസ് എഫ് ഐ.
ജന്മഭൂമി ദിനപത്രത്തിലെ എം സതീശനെയാണ് കേരള സര്‍വകലാശാല സെനറ്റിലേക്ക് ഗവര്‍ണര്‍ നോമിനേറ്റ് ചെയ്തത്. അനധികൃത നിയമനം മരവിപ്പിച്ചില്ലെങ്കില്‍ കരുത്തുള്ള പ്രക്ഷോഭങ്ങളുമായി മുന്നോട്ട് നീങ്ങുമെന്നും എസ് എഫ് ഐ സംസ്ഥാന പ്രസിഡന്റ് എം ശിവപ്രസാദ്, സെക്രട്ടറി പി എസ് സഞ്ജീവ് എന്നിവര്‍ അറിയിച്ചു.
ഉന്നത നിലവാരം പുലര്‍ത്തുന്ന കേരളത്തിന്റെ സര്‍വകലാശാലകളെ കാവിവത്കരിക്കുവാന്‍ ആര്‍എസ്എസ് നടത്തുന്ന വര്‍ഗീയ അജണ്ടയുടെ ഭാഗമായാണ് ഇത്തരത്തിലുള്ള അനധികൃത നിയമനം. ഇതിനു മുമ്പും രാഷ്ട്രീയ ലാഭം നേടുവാനും സംഘപരിവാര്‍ താല്‍പര്യം സംരക്ഷിക്കുവാനും വര്‍ഗീയ അജണ്ടകള്‍ നടപ്പിലാക്കുവാനുമുള്ള മുന്‍ ചാന്‍സിലറുടെ നീക്കങ്ങള്‍ കേരളീയ പൊതുസമൂഹം കണ്ടതാണ്.
സര്‍വകലാശാല പ്രവര്‍ത്തനങ്ങളെ നിശ്ചലമാക്കുവാനും സംഘപരിവാര്‍ രാഷ്ട്രീയത്തെ ഒളിച്ചുകടത്തുവാനുമുള്ള ആര്‍ എസ് എസ് നീക്കവും ചാന്‍സിലറുടെ അമിതാധികാര പ്രവണതകളും അനുഭവമുള്ളതാണ്. സംഘപരിവാര്‍ വര്‍ഗീയ അജണ്ടകള്‍ നടപ്പിലാക്കുവാനുമുള്ള നീക്കങ്ങള്‍ ഏതറ്റം വരെയും എസ് എഫ് ഐ പ്രതിരോധിക്കും.
Latest
അഹമ്മദാബാദ് വിമാന ദുരന്തം; മരിച്ചവരുടെ കുടുംബത്തിന് ടാറ്റ ഒരു കോടി വീതം നല്കും
ഇറാന്റെ ആണവ കേന്ദ്രങ്ങളും സൈനിക കേന്ദ്രങ്ങളും ലക്ഷ്യമിട്ട് ഇസ്റാഈല് ആക്രമണം; ടെഹ്റാനില് സ്ഫോടനങ്ങള്
ആകാശദുരന്തം: കരിപ്പൂര് മുതല് അഹമ്മദാബാദ് വരെ
ഹൃദയം തകര്ന്ന് ലോകം
തീൻമേശയിൽ ചിറകടിച്ചെത്തിയ ദുരന്തം
ഏറ്റവും സുരക്ഷിതം പക്ഷേ...
