International
യുവേഫ നേഷന്‍സ് ലീഗ്: കലാശപ്പോരില്‍ കപ്പുയര്‍ത്തി പോര്‍ച്ചുഗല്‍; സ്പെയിനിനെ തകര്‍ത്തത് ഷൂട്ടൗട്ടില്‍
ഷൂട്ടൗട്ടില്‍ 3 നെതിരെ 5 ഗോളുകള്‍ക്കാണ് പോര്‍ചുഗല്‍ വിജയം
മ്യൂണിക് | യുവേഫ നേഷന്‍സ് ലീഗ് കലാശപ്പോരാട്ടത്തില്‍ കിരീടം ചൂടി പോര്‍ച്ചുഗല്‍. സ്പെയിനിനെ പെനല്‍റ്റി ഷൂട്ടൗട്ടില്‍ തോല്‍പ്പിച്ചാണ് പോര്‍ച്ചുഗല്‍ ചാംപ്യന്മാരായത്. ഷൂട്ടൗട്ടില്‍ 3 നെതിരെ 5 ഗോളുകള്‍ക്കാണ് പോര്‍ചുഗല്‍ വിജയം . മത്സരത്തിന്റെ ആദ്യ പകുതിയില്‍ സ്‌പെയിന്‍ മുന്നിലായിരുന്നു. 21ാം മിനിറ്റില്‍ മാര്‍ട്ടിന്‍ സുബിമെന്‍ഡിയാണ് സ്പെയിനിന് വേണ്ടി ആദ്യ ഗോള്‍ നേടിയത്. പിന്നാലെ തന്നെ 25ാ-ാം മിനിറ്റില്‍ പോര്‍ചുഗലിനായി നുനോ മെന്‍ഡിസ് ഗോള്‍ വല കുലുക്കി
നിശ്ചിത സമയവും എക്സ്ട്രാ സമയവും കടന്നതോടെ മത്സരം സമനിലയിലായി. ഇതോടെ മത്സരം പെനല്‍റ്റി ഷൂട്ടൗട്ടിലേക്ക് എത്തുകയായിരുന്നു.ഷൂട്ടൗട്ടില്‍ പോര്‍ച്ചുഗലിനായി കിക്കെടുത്തവരെല്ലാം വല കുലുക്കി. എന്നാല്‍ സ്പാനിഷ് താരം അല്‍വാരോ മൊറാട്ടയുടെ കിക്ക് പോര്‍ച്ചുഗല്‍ ഗോള്‍ കീപ്പര്‍ ഡിയോഗ കോസ്റ്റ തടഞ്ഞത് നിര്‍ണായകമായി. പോര്‍ച്ചുഗലിന്റെ റൊണാള്‍ഡോയും സ്പെയിനിന് ലമീന്‍ യമാലും സബ്സ്റ്റിറ്റിയൂട്ട് ചെയ്യപ്പെട്ടതിനാല്‍ ഷൂട്ടൗട്ടിനുണ്ടായിരുന്നില്ല. പോര്‍ച്ചുഗലിനായി റൊണാള്‍ഡോയുടെ മൂന്നാം കിരീടമാണിത്. 2016ലെ യൂറോ കപ്പും 2019ലെ നേഷന്‍സ് ലീഗും പോര്‍ച്ചുഗല്‍ ജയിച്ചിരുന്നു.
Latest
ഹണിമൂണ്‍ യാത്രയ്ക്കിടെ നവവരന്‍ കൊല്ലപ്പെട്ട സംഭവം; ഭാര്യ അടക്കം നാല് പേര്‍ അറസ്റ്റില്‍
കള്ളപ്പണം വെളുപ്പിക്കൽ പരിശോധനക്ക് പുതിയ നീക്കം
വ്യാപകമായി ഗതാഗത മെച്ചപ്പെടുത്തലുകളുമായി ദുബൈ
അവശ്യവസ്തുക്കളുമായി ഗസ്സയിലേക്ക് പുറപ്പെട്ട കപ്പല്‍ തടഞ്ഞ് ഇസ്‌റാഈല്‍; കപ്പലില്‍ ഗ്രെറ്റ തുന്‍ബര്‍ഗ് ഉള്‍പ്പെടെയുള്ളവര്‍
ഭക്ഷ്യസുരക്ഷ യു എ ഇയുടെ മുൻഗണന: മന്ത്രി അംന അൽ ദഹക്ക്
അനന്തുവിന്റെ അപകട മരണം രാഷ്ട്രീയവല്‍ക്കരിക്കേണ്ട വിഷയമല്ല;ആശുപത്രിയിലേക്കുള്ള വഴിയടക്കം തടഞ്ഞപ്പോഴാണ് വിയോജിച്ചത്: എം സ്വരാജ്
