Kannur
കണ്ണൂര്‍ സ്വദേശിയായ ഡോക്ടര്‍ അബൂദബിയിലെ താമസസ്ഥലത്ത് മരിച്ച നിലയില്‍
കണ്ണൂര്‍ താണ സ്വദേശിനിയായ ധനലക്ഷ്മി അബൂദബി മുസഫ ലൈഫ് കെയര്‍ ഹോസ്പിറ്റലിലെ ദന്ത ഡോക്ടര്‍ ആയിരുന്നു.
അബൂദബി | മലയാളി വനിതാ ഡോക്ടറെ അബൂദബിയിലെ താമസസ്ഥലത്ത് മരിച്ച നിലയില്‍
കണ്ടെത്തി. കണ്ണൂര്‍ താണ സ്വദേശിനി ഡോ. ധനലക്ഷ്മിയാണ് (54) മരിച്ചത്. ഇന്നലെ രാത്രി മുസഫ ഷാബിയിലുള്ള താമസ സ്ഥലത്ത് മരിച്ച നിലയില്‍ കണ്ടെത്തുകയായിരുന്നു. സുഹൃത്തുക്കള്‍ വിവരമറിയിച്ചതിനെ തുടര്‍ന്ന് പോലീസ് എത്തി മൃതദേഹം ബനിയാസ് മോര്‍ച്ചറിയിലേക്ക് മാറ്റി. മുസഫ ലൈഫ് കെയര്‍ ഹോസ്പിറ്റലിലെ ദന്ത ഡോക്ടര്‍ ആയിരുന്നു.
രണ്ടുദിവസമായി ഫോണില്‍ വിളിച്ചിട്ട് കിട്ടാത്തതിനെ തുടര്‍ന്ന് സുഹൃത്തുക്കള്‍ അന്വേഷിച്ചപ്പോഴാണ് വിവരമറിഞ്ഞത്. ജോലിസ്ഥലത്തും തിങ്കളാഴ്ച പോയിരുന്നില്ല. 10 വര്‍ഷത്തിലേറെയായി പ്രവാസിയാണ് ധനലക്ഷ്മി. അബൂദബി മലയാളി സമാജം അംഗവും സാംസ്‌കാരിക പ്രവര്‍ത്തകയും എഴുത്തുകാരിയുമാണ്. സാമൂഹിക മാധ്യമങ്ങളിലും സജീവമായിരുന്നു.
നേരത്തേ കണ്ണൂര്‍ ധനലക്ഷ്മി ആശുപത്രിയിലും സേവനമനുഷ്ഠിച്ചിരുന്നു. കണ്ണൂരിലെ ആനന്ദകൃഷ്ണ ബസ് സര്‍വീസ് ഉടമസ്ഥനായിരുന്ന പരേതനായ നാരായണന്റെയും ചന്ദ്രമതിയുടെയും മകളാണ്. സഹോദരങ്ങള്‍: ആനന്ദകൃഷ്ണന്‍, ശിവറാം, ഡോ. സീതാലക്ഷ്മി. മൃതദേഹം നാട്ടിലെത്തിച്ച് സംസ്‌കരിക്കും.
Latest
തദ്ദേശ തിരഞ്ഞെടുപ്പ്: കരട് വോട്ടര്‍ പട്ടിക ബുധനാഴ്ച പ്രസിദ്ധീകരിക്കും; ആഗസ്റ്റ് ഏഴ് വരെ പേര് ചേര്‍ക്കാം
മഴയുടെ ശക്തി കുറഞ്ഞു; വയനാട്ടില്‍ വിനോദ സഞ്ചാര കേന്ദ്രങ്ങളിലേക്കുള്ള നിരോധനം പിന്‍വലിച്ചു
വി എസിനെ സാമൂഹിക മാധ്യത്തിലൂടെ അധിക്ഷേപിച്ചു; ഹമീദ് വാണിയമ്പലത്തിന്റെ മകന്‍ അറസ്റ്റില്‍
വിദ്യാര്‍ഥിനി വീട്ടിനുള്ളില്‍ ജീവനൊടുക്കിയ നിലയില്‍
കേരള തീരത്തെ കപ്പല്‍ അപകടങ്ങള്‍; മത്സ്യത്തില്‍ രാസ സാന്നിധ്യമില്ലെന്ന് കേന്ദ്ര സര്‍ക്കാര്‍
വി എസ് ജനവികാരത്തിന്റെ നേതാവ്:ഡോ. തിയഡോഷ്യസ് മാര്‍ത്തോമ്മാ മെത്രാപ്പൊലീത്ത
