Kerala
അഞ്ച് ബില്ലുകളില്‍ ഒപ്പ് വെച്ച് ഗവര്‍ണര്‍; വിവാദ ബില്ലുകളടക്കം ആറ് ബില്ലുകളില്‍ തീരുമാനം നീളും
സര്‍വ്വകലാശാല, ലോകായുക്ത ബില്ലുകളില്‍ ഒപ്പിടില്ലെന്ന് ഗവര്‍ണര്‍ നിലപാട് എടുത്തിരുന്നു.
തിരുവനന്തപുരം | സര്‍ക്കാരുമായി തര്‍ക്കം തുടരവെ നിയമസഭ പാസാക്കിയ അഞ്ച് ബില്ലുകളില്‍ ഗവര്‍ണര്‍ ആരിഫ് മുഹമ്മദ് ഖാന്‍ ഒപ്പിട്ടു. വകുപ്പ് സെക്രട്ടറിമാര്‍ വിശദീകരണം നല്‍കിയ ബില്ലുകളിലാണ് ഒപ്പിട്ടത്. ആകെ 11 ബില്ലുകളാണ് നിയമസഭ പാസാക്കി ഗവര്‍ണര്‍ക്ക് അയച്ചത്. ഇതില്‍ വിവാദ ബില്ലുകളായ സര്‍വ്വകലാശാല, ലോകായുക്ത ബില്ലുകളില്‍ ഒപ്പിടില്ലെന്ന് ഗവര്‍ണര്‍ നിലപാട് എടുത്തിരുന്നു. ഇത് കൂടാതെ ബാക്കി നാല് ബില്ലുകളിലും ഗവര്‍ണര്‍ ഒപ്പുവെച്ചിട്ടില്ല.
അതേ സമയം ഗവര്‍ണര്‍ ഇന്ന് ഡല്‍ഹിയിലേക്ക് തിരിക്കും. ഗവര്‍ണറുടെ മടക്കം അടുത്ത മാസം ആദ്യം ആയിരിക്കുമെന്നാണ് വ്യക്തമാകുന്നത്. കേരള സര്‍വ്വകലാശാല വി സി നിയമനത്തിനുള്ള സെര്‍ച്ച് കമ്മറ്റിയിലേക്ക് ഉടന്‍ സെനറ്റ് പ്രതിനിധിയെ നിര്‍ദേശിക്കണമെന്ന് കഴിഞ്ഞ ദിവസം ഗവര്‍ണര്‍ ആവശ്യപ്പെട്ടിരുന്നു. മൂന്ന് അംഗ കമ്മറ്റിയില്‍ രണ്ട് അംഗങ്ങളെ ഗവര്‍ണ്ണര്‍ തീരുമാനിച്ചിട്ട് ആഴ്ച്ചകള്‍ പിന്നിട്ടതോടെയാണ് രാജ്ഭവന്‍ പുതിയ നിര്‍ദ്ദേശം നല്‍കിയത്.
Latest
എസ്എസ്എല്സി പരീക്ഷാഫലം പ്രഖ്യാപിച്ചു; വിജയ ശതമാനം 99.5
എം ആര് അജിത് കുമാര് എക്സൈസ് കമ്മീഷണര്; മനോജ് എബ്രഹാം വിജിലൻസ് മേധാവി
ഓണ്ലൈന് മാധ്യമം 'ദ വയര്' വിലക്കി കേന്ദ്രം
ജോലിക്ക് അപേക്ഷിക്കാൻ ഇമെയിൽ തയ്യാറാക്കാറില്ലേ; ഈ തെറ്റുകൾ വരുത്തരുതേ...
മലപ്പുറത്ത് എസ്എസ്എല്എസി പരീക്ഷാഫലം വരാനിരിക്കെ വിദ്യാര്ഥിനി വിഷം കഴിച്ചു
പഞ്ചാബില് ചൈനീസ് മിസൈലിൻ്റെ തകര്ന്ന ഭാഗങ്ങള് കണ്ടെത്തി
