ഉത്കണ്ഠയെ നേരിടാം ഈ വഴികളിലൂടെ !

സമൂഹത്തിൽ ഏറെ പേരും നേരിടുന്ന ഒരു പ്രശ്നമാണ് ഉത്കണ്ഠ എന്നത്. ഇത് പരിഹരിക്കാൻ ചില നുറുങ്ങുകൾ പരിചയപ്പെടാം.

1. പിരിമുറുക്കം ഒഴിവാക്കാൻ പേശി വിശ്രമ വിദ്യകൾ പരിശീലിക്കുക. ഓരോ പേശി ഗ്രൂപ്പിനെയും അഞ്ചു മുതൽ 10 സെക്കൻഡ് നേരത്തേക്ക് മുറുകെപ്പിടിച്ചു വിടുക.
2. ചില സാഹചര്യങ്ങളിൽ ഉത്കണ്ഠ ഒഴിവാക്കാൻ അരോമ തെറാപ്പി സഹായിക്കും. ഉത്കണ്ഠ ലഘൂകരിക്കാൻ ആവശ്യമായ അരോമ എണ്ണയുടെ രൂപത്തിലോ തിരിയുടെ രൂപത്തിലോ ഉപയോഗിക്കാവുന്നതാണ്.
3. തണുത്ത വെള്ളത്തിൽ കിടക്കുന്നത് അല്ലെങ്കിൽ തണുത്ത വെള്ളം തളിക്കുകയോ കുടിക്കുകയോ ചെയ്യുന്നത് ഉത്കണ്ഠ കുറച്ചേക്കാം.
4. അമിത ചിന്തയും ഉത്കണ്ഠയും ഒഴിവാക്കാൻ പ്രാർത്ഥനയും നല്ല മാർഗമാണ്.
5. 15 മിനിറ്റ് ചുയിംഗം ചവയ്ക്കുന്നത് കോട്ടിസോളിന്റെ അളവ് കുറയ്ക്കുകയും ഉൽക്കണ്ഠയെ ശമിപ്പിക്കുകയും ചെയ്യും .
6. നിങ്ങളുടെ ചിന്തകളും ആശങ്കകളും ഡയറിയിൽ എഴുതിവെക്കുക. ഇത് നിങ്ങളുടെ ചിന്തകൾ മാറ്റാൻ നിങ്ങളെ സഹായിക്കും.

ഇത്രയൊക്കെ മാർഗ്ഗങ്ങൾ പരീക്ഷിച്ചിട്ടും നിങ്ങളുടെ ഉത്കണ്ഠ മാറുന്നില്ലെങ്കിൽ തീർച്ചയായും ഒരു ഡോക്ടറെ കാണേണ്ടതാണ്.