Uae
ആരോഗ്യ മേഖലയിലെ സമഗ്ര വികസനം; അബൂദബി ആരോഗ്യ വകുപ്പും ഫൈസറും യോജിച്ച് പ്രവര്‍ത്തിക്കും
അബൂദബി | അബൂദബി ആരോഗ്യ വകുപ്പും മരുന്നുത്പാദന സ്ഥാപനമായ ഫൈസറും യോജിച്ച് പ്രവര്‍ത്തിക്കാന്‍ തീരുമാനിച്ചു. ആരോഗ്യ മേഖലയിലെ സമഗ്ര വികസനം ലക്ഷ്യമിട്ടാണ് ധാരണാപത്രത്തില്‍ ഒപ്പ് വച്ചത്. ആരോഗ്യ വകുപ്പ് ചെയര്‍മാന്‍ അബ്ദുല്ല ബിന്‍ മുഹമ്മദ് അല്‍ ഹമീദ്, യു എസ് എംബസി ചാര്‍ജ് ദി അഫയേഴ്സ് സിയാന്‍ മുര്‍ഫി എന്നിവരുടെ സാന്നിധ്യത്തില്‍ നടന്ന ചടങ്ങില്‍ അബൂദബി ആരോഗ്യ വകുപ്പ് അണ്ടര്‍ സെക്രട്ടറി ഡോ. ജമാല്‍ മുഹമ്മദ് അല്‍ കാബിയും ഫൈസര്‍ ഗള്‍ഫ് ക്ലസ്റ്റര്‍ ലീഡ് ലിന്‍സി ഡയെറ്റ്‌സിയും ധാരണാപത്രത്തില്‍ ഒപ്പ് വച്ചു. മരുന്നുത്പാദന രംഗത്തെ ഗവേഷണങ്ങളും ആരോഗ്യ സേവന നടപടിക്രമങ്ങളും മെച്ചപ്പെടുത്താനും അബൂദബിയിലെ ക്ലിനിക്കല്‍ പരീക്ഷണങ്ങള്‍ വികസിപ്പിക്കാനും ഇതിലൂടെ സാധിക്കും.
മരുന്നുത്പാദനത്തിന്റെ ആദ്യഘട്ടങ്ങളും ക്ലിനിക്കല്‍ പരീക്ഷണങ്ങളും ബന്ധപ്പെടുത്തിയുള്ള പ്രത്യേക പരിശീലന പാഠ്യപദ്ധതി ഫൈസര്‍ അബൂദബി ആരോഗ്യ വകുപ്പിനായി ഒരുക്കും. പദ്ധതിയുടെ ഭാഗമായി മരുന്നുഗവേഷണത്തില്‍ ആദ്യഘട്ടത്തില്‍ 150 പേര്‍ക്ക് പരിശീലനം നല്‍കും. 2025-ഓടെ വിവിധ പങ്കാളിത്ത പദ്ധതികളിലൂടെ 500 ഗവേഷകരെ വാര്‍ത്തെടുക്കുകയാണ് ലക്ഷ്യം.
Latest
വന്യജീവി ആക്രമണത്തില്‍ കൊല്ലപ്പെടുന്നവരുടെ കുടുംബത്തിന് പത്ത് ലക്ഷം; സര്‍ക്കാര്‍ ഉത്തരവിറങ്ങി
ദര്‍ശനത്തിനെത്തിയ യുവതിയെ കയറിപ്പിടിച്ചു; പൂജാരി അറസ്റ്റില്‍
ഉമ്മുല്‍ ഖുവൈന്‍ ഫ്രീ ട്രേഡ് സോണ്‍ ദുബൈ ലാന്‍ഡ് ഡിപ്പാര്‍ട്ട്മെന്റുമായി സഹകരണ സമ്മതപത്രം ഒപ്പുവച്ചു
ജൂനിയര്‍ അഭിഭാഷകയെ മര്‍ദിച്ച അഭിഭാഷകനെതിരെ കേസെടുത്തു; പ്രതിക്കായി പോലീസ് അന്വേഷണം
കേണല്‍ സോഫിയ ഖുറേഷി ഭീകരവാദികളുടെ സഹോദരി; അധിക്ഷേപ പരാമര്‍ശവുമായി ബിജെപി മന്ത്രി
തിരുവല്ലയില്‍ ബീവറേജസ് ഔട്ട്‌ലെറ്റില്‍ വന്‍ അഗ്നിബാധ; ലക്ഷങ്ങളുടെ നഷ്ടം
