പീച്ചി റിസര്‍വോയറില്‍ വഞ്ചി മറിഞ്ഞു; മൂന്നുപേരെ കാണാതായി

തൃശൂര്‍ | തൃശൂര്‍ പീച്ചി റിസര്‍വോയറില്‍ വഞ്ചി മറിഞ്ഞ് മൂന്നുപേരെ കാണാതായി. പുള്ളിക്കാട് സ്വദേശികളായ വിപിന്‍, അജിത്ത്, സിറാജ് എന്നിവരെയാണു കാണാതായത്.

റിസര്‍വോയറിലെ ആനവാരിയിലാണ് അപകടം. തിരച്ചില്‍ നടന്നുവരികയാണ്. നാട്ടുകാരായ നാലുപേരാണ് വഞ്ചിയില്‍ ഉണ്ടായിരുന്നത്. ഒരാള്‍ നീന്തി രക്ഷപ്പെട്ടു.

പീച്ചി റിസര്‍വോയറിന്റെ ഏറ്റവും ആഴമുള്ള ഭാഗത്തു വച്ചാണ് തോണി മറിഞ്ഞത്. പോലീസും നാട്ടുകാരും ചേര്‍ന്നാണ് തിരച്ചില്‍ നടത്തുന്നത്.