Ongoing News
ആക്സില് ഒടിഞ്ഞു; നിയന്ത്രണം വിട്ട കെ എസ് ആര്‍ ടി സി ബസ് പാഞ്ഞുകയറി മൂന്ന് വിദ്യാര്‍ഥികള്‍ക്ക് പരുക്ക്
നെടുമ്പ്രം വിജയവിലാസം വീട്ടില്‍ കാര്‍ത്തിക് സായ് (14), നെടുമ്പ്രം മാലിപറമ്പില്‍ വീട്ടില്‍ ആശിഷ് ശിഖ (14), നെടുമ്പ്രം കുറ്റൂര്‍ വീട്ടില്‍ ദേവജിത്ത് സന്തോഷ് (15) എന്നിവര്‍ക്കാണ് പരുക്കേറ്റത്.
തിരുവല്ല | ആക്സില് ഒടിഞ്ഞതിനെ തുടര്‍ന്ന് നിയന്ത്രണം വിട്ട കെ എസ് ആര്‍ ടി സി ബസ് പാഞ്ഞു കയറി മൂന്ന് വിദ്യാര്‍ഥികള്‍ക്ക് പരുക്ക്. നെടുമ്പ്രം വിജയവിലാസം വീട്ടില്‍ കാര്‍ത്തിക് സായ് (14), നെടുമ്പ്രം മാലിപറമ്പില്‍ വീട്ടില്‍ ആശിഷ് ശിഖ (14), നെടുമ്പ്രം കുറ്റൂര്‍ വീട്ടില്‍ ദേവജിത്ത് സന്തോഷ് (15) എന്നിവര്‍ക്കാണ് പരുക്കേറ്റത്. അമ്പലപ്പുഴ-തിരുവല്ല സംസ്ഥാനപാതയില്‍ നെടുമ്പ്രം ചന്തയ്ക്ക് സമീപം ഇന്ന് രാവിലെ ഒമ്പതോടെയായിരുന്നു അപകടം.
ചേര്‍ത്തല ഡിപ്പോയില്‍ നിന്നും തിരുവല്ലയിലേക്ക് വന്ന കെ എസ് ആര്‍ ടി സി സൂപ്പര്‍ഫാസ്റ്റ് ബസാണ് അപകടത്തില്‍പ്പെട്ടത്. നിയന്ത്രണം വിട്ട ബസ് ട്യൂഷന്‍ കഴിഞ്ഞ് മടങ്ങുകയായിരുന്ന വിദ്യാര്‍ഥികള്‍ക്കിടയിലേക്ക് പാഞ്ഞുകയറുകയായിരുന്നു. ഓടിക്കൂടിയ നാട്ടുകാരും ഡ്രൈവറും കണ്ടക്ടറും ചേര്‍ന്ന് രക്ഷാപ്രവര്‍ത്തനം നടത്തി.
പരുക്കേറ്റ മൂന്ന് വിദ്യാര്‍ഥികളെയും തിരുവല്ല പുഷ്പഗിരി മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. തലയ്ക്ക് പരുക്കേറ്റ കാര്‍ത്തിക്കിന്റെ നില ഗുരുതരമാണ്.
Latest
വിമാനത്താവളത്തില്‍ സൈനികന്റെ ആക്രമണം; നാല് ജീവനക്കാര്‍ക്ക് ഗുരുതര പരുക്ക്
നവജാത ശിശുവിനെ ഉപേക്ഷിച്ചു; അമ്മക്കും ആണ്‍ സുഹൃത്തിനുമെതിരെ കേസ്
സംസ്ഥാനത്ത് ഉരുള്‍ പൊട്ടലിനും മണ്ണിടിച്ചിലിനും സാധ്യതയെന്ന് ദുരന്ത നിവാരണ വകുപ്പ്; ജാഗ്രതാ നിര്‍ദ്ദേശം പുറപ്പെടുവിച്ചു
വയോധികയെ കിണറ്റില്‍ മരിച്ച നിലയില്‍ കണ്ടെത്തി
പതങ്കയം വെള്ളച്ചാട്ടത്തില്‍ വിദ്യാര്‍ഥിയെ ഒഴുക്കില്‍പ്പെട്ടു കാണാതായി
പി എസ് സുപാലിനെ വീണ്ടും സിപിഐ ജില്ലാ സെക്രട്ടറിയായി തിരഞ്ഞെടുത്തു
