Education Notification
പ്ലസ് വണ്‍ പ്രവേശനത്തിന് 14 മുതല്‍ അപേക്ഷിക്കാം; ട്രയല്‍ അലോട്ട്മെന്റ് 24ന്
ജൂണ്‍ 18ന് പ്ലസ് വണ്‍ ക്ലാസ്സുകള്‍ ആരംഭിക്കും
തിരുവനന്തപുരം | എസ് എസ് എല്‍ സി പരീക്ഷയില്‍ വിജയിച്ച എല്ലാവര്‍ക്കും ഉപരിപഠന സാധ്യത ഉറപ്പാക്കുമെന്ന് പൊതുവിദ്യാഭ്യാസ മന്ത്രി വി ശിവന്‍കുട്ടി. ഈ മാസം 14 മുതല്‍ പ്ലസ് വണ്‍ പ്രവേശനത്തിനായി അപേക്ഷകള്‍ ഓണ്‍ലൈനായി സമര്‍പ്പിക്കാം. അപേക്ഷകര്‍ക്ക് സ്വന്തമായോ അല്ലെങ്കില്‍ പത്താം തരം പഠിച്ചിരുന്ന ഹൈസ്‌കൂളിലെ കമ്പ്യൂട്ടര്‍ ലാബ് സൗകര്യവും അധ്യാപകരുടെ സഹായവും പ്രദേശത്തെ സര്‍ക്കാര്‍/ എയ്ഡഡ് ഹയര്‍സെക്കന്‍ഡറി സ്‌കൂളുകളിലെ കമ്പ്യൂട്ടര്‍ ലാബ് സൗകര്യവും അധ്യാപകരുടെ സഹായവും പ്രയോജനപ്പെടുത്തി പ്ലസ് വണ്‍ പ്രവേശനത്തിനുള്ള അപേക്ഷകള്‍ ഓണ്‍ലൈനായി സമര്‍പ്പിക്കാം.
അപേക്ഷ ഓണ്‍ലൈനായി സമര്‍പ്പിക്കാനുള്ള അവസാന തീയതി ഈ മാസം 20 ആണ്. ട്രയല്‍ അലോട്ട്മെന്റ് തീയതി: മേയ് 24. ആദ്യ അലോട്ട്മെന്റ് തീയതി: ജൂണ്‍ രണ്ട്. രണ്ടാം അലോട്ട്മെന്റ് തീയതി: ജൂണ്‍ 10. മൂന്നാം അലോട്ട്മെന്റ് തീയതി: ജൂണ്‍ 16. മുഖ്യ ഘട്ടത്തിലെ മൂന്ന് അലോട്ട്മെന്റുകളിലൂടെ ഭൂരിഭാഗം സീറ്റുകളില്‍ പ്രവേശനം ഉറപ്പാക്കി ജൂണ്‍ 18ന് പ്ലസ് വണ്‍ ക്ലാസ്സുകള്‍ ആരംഭിക്കും.
മുന്‍ വര്‍ഷം ക്ലാസ്സുകള്‍ ആരംഭിച്ചത് ജൂണ്‍ 24ന് ആയിരുന്നു. മുഖ്യഘട്ടം കഴിഞ്ഞാല്‍ പുതിയ അപേക്ഷകള്‍ ക്ഷണിച്ച് സപ്ലിമെന്ററി അലോട്ട്മെന്റുകളിലൂടെ ശേഷിക്കുന്ന ഒഴിവുകള്‍ നികത്തി 2025 ജൂലൈ 23ന് പ്രവേശന നടപടികള്‍ അവസാനിപ്പിക്കുന്നതായിരിക്കും.
Latest
ഹജ്ജ്: ഇത്തവണ 100 രാജ്യങ്ങളില്‍ നിന്ന് 1,300 തീര്‍ഥാടകര്‍ സല്‍മാന്‍ രാജാവിന്റെ അതിഥികളായെത്തും
മകള്‍ ജനിച്ച് മണിക്കൂറുകള്‍ക്കകം ഫലസ്തീന്‍ മാധ്യമ പ്രവര്‍ത്തകനെ കൊലപ്പെടുത്തി ഇസ്‌റാഈല്‍
കണ്ണൂരിൽ ദേശീയപാത നിര്‍മാണത്തിനിടയില്‍ മണ്ണിടിഞ്ഞുവീണു അതിഥി തൊഴിലാളി മരിച്ചു
കടലിലും തീരത്തും കണ്ടെയ്‌നര്‍ കണ്ടാല്‍ തൊടരുത്; എല്ലാ തീരമേഖലകളിലും ജാഗ്രതാ നിര്‍ദേശം
മഴ കനക്കുന്നു; മലപ്പുറത്ത് നാളെ വിദ്യാഭ്യാസ സ്ഥാപനങ്ങള്‍ക്ക് അവധി
കൊച്ചിക്കടുത്ത് ചരക്ക്‌ കപ്പല്‍ ചെരിഞ്ഞു; അപകടകരമായ കാര്‍ഗോ കടലില്‍, ആശങ്ക
