National
മുംബൈ-ഹൈദരാബാദ് ഐ.പി.എല്‍ മത്സരത്തിനിടെയുണ്ടായ സംഘര്‍ഷത്തില്‍ പരിക്കേറ്റയാള്‍ മരിച്ചു
ഹന്‍മന്ത്വാഡി സ്വദേശി ബന്ദോപന്ത് തിബിലി (63) ആണ് മരിച്ചത്.
മുംബൈ| മഹാരാഷ്ട്രയിലെ കോലാപൂരില്‍ നടന്ന മുംബൈ ഇന്ത്യന്‍സ്-സണ്‍റൈസേഴ്‌സ് ഹൈദരാബാദ് ഐ.പി.എല്‍ ക്രിക്കറ്റ് മത്സരം കാണുന്നതിനിടെയുണ്ടായ സംഘര്‍ഷത്തില്‍ പരിക്കേറ്റയാള്‍ ചികിത്സയിലിരിക്കെ മരിച്ചു. മാര്‍ച്ച് 27ന് ക്രിക്കറ്റ് മത്സരത്തിനിടെയാണ് സംഘര്‍ഷമുണ്ടായത്. ഹന്‍മന്ത്വാഡി സ്വദേശി ബന്ദോപന്ത് തിബിലി (63) ആണ് മരിച്ചത്.
മത്സരത്തില്‍ ആദ്യം ബാറ്റ് ചെയ്ത ഹൈദരാബാദ് 277 റണ്‍സ് അടിച്ച് റെക്കോഡിട്ടിരുന്നു. ചെന്നൈ സൂപ്പര്‍ കിങ്‌സിന്റെ ആരാധകനായിരുന്ന തിബിലി മുംബൈ ഇന്ത്യന്‍സ് താരം രോഹിത് ശര്‍മ്മ 26 റണ്‍സെടുത്ത് പുറത്തയപ്പോള്‍ മുംബൈ വിജയിക്കുമോയെന്ന കാര്യത്തില്‍ സംശയം പ്രകടിപ്പിച്ചു. കൂടാതെ ചെന്നൈയെ പുകഴ്ത്തി സംസാരിക്കുകയും ചെയ്തു. ഇതോടെ മുംബൈ ആരാധകരായ ബല്‍വന്ത് മഹാദേവ് ജാന്‍ജ്ഗെ, സാഗര്‍ സദാശിവ് ജാന്‍ജ്ഗെ എന്നിവര്‍ തിബിലിയുമായി വാക്കേറ്റത്തിലെത്തുകയും തുടര്‍ന്ന് മര്‍ദിക്കുകയും ചെയ്തു. ഇരുവരും മദ്യലഹരിയിലായിരുന്നുവെന്നും പോലീസ് പറഞ്ഞു.
ഗുരുതരമായി പരിക്കേറ്റ തിബിലിയെ ഉടന്‍ ആശുപത്രിയില്‍ പ്രവേശിപ്പിച്ചെങ്കിലും രണ്ടു ദിവസത്തെ ചികിത്സക്കുശേഷം മരണത്തിന് കീഴടങ്ങി. സംഭവത്തില്‍ പോലീസ് പ്രതികളെ അറസ്റ്റ് ചെയ്തു. മരണത്തിനുപിന്നില്‍ വ്യക്തി വൈരാഗ്യമില്ലെന്നും മത്സരത്തിനിടെയുണ്ടായ വാക്കുതര്‍ക്കമാണ് കാരണമെന്നും പോലീസ് അറിയിച്ചു.
Latest
പതിനേഴുകാരിയെ വിവാഹ വാഗ്ദാനം നല്‍കി നിരന്തരം പീഡിപ്പിച്ചു; 24കാരന്‍ പിടിയില്‍
അതിതീവ്ര മഴ; തമിഴ്‌നാട്ടിൽ 4 ജില്ലകളിൽ റെഡ് അലർട്ട്
ലോക്‌സഭാ തിരഞ്ഞെടുപ്പ്: 8889 കോടിയുടെ പണവും സാധനങ്ങളും പിടിച്ചെടുത്തു; പിടിച്ചെടുത്തവയില്‍ 3,959 കോടിയുടെ മയക്ക്മരുന്നും
പ്ലസ് വണ്‍ സീറ്റ് വിവാദം എല്ലാ വര്‍ഷവും ഉള്ളതാണ് അതില്‍ രാഷ്ട്രീയ മുതലെടുപ്പ് നടത്തരുത്; മന്ത്രി വി ശിവന്‍കുട്ടി
അര്‍ഹരായ എല്ലാ ബിപിഎല്‍ അപേക്ഷകര്‍ക്കും വാട്ടര്‍ അതോറിറ്റി സൗജന്യ കുടിവെള്ളം നല്‍കും
അതിജീവിതയെ അപമാനിക്കുന്ന തരത്തില്‍ വാര്‍ത്തകള്‍ നല്‍കരുത്; കര്‍ശനമായി ഇടപെടേണ്ട സ്ഥിതിയെന്ന് വനിത കമ്മിഷന്‍ അധ്യക്ഷ
