National
ഉത്തര്‍പ്രദേശില്‍ നിര്‍മാണത്തിലിരുന്ന കെട്ടിടത്തിലെ ലിഫ്റ്റ് തകര്‍ന്ന് 4 മരണം
നിര്‍മാണ സ്ഥലങ്ങളില്‍ ഉപയോഗിക്കുന്ന സര്‍വീസ് ലിഫ്റ്റ് 14-ാം നിലയുടെ ഉയരത്തില്‍ നിന്ന് വീഴുകയായിരുന്നു.
ഗ്രേറ്റര്‍ നോയിഡ| ഉത്തര്‍പ്രദേശില്‍ നിര്‍മാണത്തിലിരുന്ന കെട്ടിടത്തിലെ ലിഫ്റ്റ് തകര്‍ന്ന് നാല് പേര്‍ മരിച്ചു. ഗ്രേറ്റര്‍ നോയിഡയിലെ അമ്രപാലിയിലാണ് സംഭവം. അപകടത്തില്‍ അഞ്ച് പേര്‍ക്ക് ഗുരുതരമായി പരിക്കേറ്റു. അവശിഷ്ടങ്ങള്‍ക്കിടയില്‍ കുടുങ്ങിക്കിടക്കുന്നവരെ രക്ഷിക്കാനുള്ള ശ്രമം തുടരുകയാണ്. രാവിലെ 8.30ഓടെയാണ് സംഭവം. അമ്രപാലി ഡ്രീം വാലി പ്രോജക്ട് എന്ന പേരില്‍ അമ്രപാലി ഗ്രൂപ്പ് നിര്‍മ്മിക്കുന്ന കെട്ടിടത്തിലാണ് അപകടമുണ്ടായത്.
നിര്‍മാണ സ്ഥലങ്ങളില്‍ ഉപയോഗിക്കുന്ന സര്‍വീസ് ലിഫ്റ്റ് 14-ാം നിലയുടെ ഉയരത്തില്‍ നിന്ന് വീഴുകയായിരുന്നു. മരിച്ചവരെല്ലാം തൊഴിലാളികളാണ്. പരിക്കേറ്റവര്‍ സിറ്റി ആശുപത്രിയില്‍ ചികിത്സയിലാണ്. അപകട കാരണം വ്യക്തമല്ല. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. സംഭവത്തില്‍ ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് ദുഃഖം രേഖപ്പെടുത്തി.
Latest
യുഎഇയിലെ പ്രാദേശിക ഉത്പന്നങ്ങള്‍ക്ക് പിന്തുണയുമായി ലുലു
പത്തനംതിട്ടയില്‍ വയോധികന്‍ റബ്ബര്‍ തോട്ടത്തില്‍ മരിച്ച നിലയില്‍; സൈക്കിള്‍ അപകടമെന്ന് സംശയം
കണ്ണൂരില്‍ പടക്കങ്ങളും സ്‌ഫോടക വസ്തുക്കളും വില്‍ക്കുന്നതും ഉപയോഗിക്കുന്നതും നിരോധിച്ചു; ഡ്രോണുകളുടെ ഉപയോഗത്തിനും നിയന്ത്രണം
വെടിനിര്‍ത്തലില്‍ അതൃപ്തരായി യുദ്ധാസക്തര്‍; ബഹുഭൂരിപക്ഷവും സംഘ്പരിവാര്‍ അനുകൂലികള്‍
ഇടുക്കിയില്‍ യുവാവ് കാറിനുള്ളില്‍ ദുരൂഹ സാഹചര്യത്തില്‍ മരിച്ച നിലയില്‍
ഓപറേഷന്‍ സിന്ദൂരില്‍ അഞ്ച് സൈനികര്‍ക്ക് വീരമൃത്യു
