Saudi Arabia
സഊദി അറേബ്യയുടെ കരുത്തിനും പുരോഗതിക്കും പിന്നില് ഭരണനേതൃത്വത്തിന്റെ അര്പ്പണബോധം: ഗ്രാന്ഡ് മുഫ്തി
രാജ്യം ഇന്ന് അനുഭവിക്കുന്ന വളര്ച്ചയും ഐശ്വര്യവും സുസ്ഥിരതയും ഇസ്ലാമിക ശരീഅത്ത് നിയമങ്ങളോടുള്ള വിട്ടുവീഴ്ചയില്ലാത്ത നിലപാടുകളുടെയും ഭരണാധികാരികളുടെ കഠിനാധ്വാനത്തിന്റെയും ഫലമാണ്.
റിയാദ് | സഊദി അറേബ്യയെ ശക്തവും സമൃദ്ധവുമാക്കുന്നതില് രാജ്യത്തിന്റെ ഭരണനേതൃത്വം കാണിക്കുന്ന അചഞ്ചലമായ പ്രതിബദ്ധതയെയും അര്പ്പണബോധത്തെയും സഊദി ഗ്രാന്ഡ് മുഫ്തി ശൈഖ് സ്വാലിഹ് അല് ഫൗസാന് പ്രശംസിച്ചു. റിയാദില് ചേര്ന്ന കൗണ്സില് ഓഫ് സീനിയര് സ്കോളേഴ്സിന്റെ 98-ാമത് സെഷനില് അധ്യക്ഷത വഹിച്ചു പ്രസംഗിക്കുകയായിരുന്നു അദ്ദേഹം. രാജ്യം ഇന്ന് അനുഭവിക്കുന്ന വളര്ച്ചയും ഐശ്വര്യവും സുസ്ഥിരതയും ഇസ്ലാമിക ശരീഅത്ത് നിയമങ്ങളോടുള്ള വിട്ടുവീഴ്ചയില്ലാത്ത നിലപാടുകളുടെയും ഭരണാധികാരികളുടെ കഠിനാധ്വാനത്തിന്റെയും ഫലമാണെന്ന് അദ്ദേഹം ചൂണ്ടിക്കാട്ടി.
വിശുദ്ധ മസ്ജിദുകളിലും മക്കയിലെയും മദീനയിലെയും തീര്ഥാടന കേന്ദ്രങ്ങളിലും ഹജ്ജ്, ഉംറ തീര്ഥാടകര്ക്ക് സമാധാനപരമായും സുരക്ഷിതമായും ആരാധനകള് നിര്വഹിക്കാന് സൗകര്യമൊരുക്കുന്നതില് ഭരണകൂടം വലിയ പ്രാധാന്യമാണ് നല്കുന്നത്. ശരിയായ തീരുമാനങ്ങള് എടുക്കുന്നതിനും ശരീഅത്ത് അധിഷ്ഠിതമായ വിധികള് പുറപ്പെടുവിക്കുന്നതിനും കൗണ്സിലിനെ ഭരണനേതൃത്വം ശാക്തീകരിക്കുന്നതായും അദ്ദേഹം പറഞ്ഞു.
റോയല് കോര്ട്ട്, ആഭ്യന്തര മന്ത്രാലയം തുടങ്ങിയ വിവിധ സര്ക്കാര് വിഭാഗങ്ങള് നല്കിയ സുപ്രധാന വിഷയങ്ങള് കൗണ്സില് ചര്ച്ച ചെയ്തതായി ജനറല് സെക്രട്ടറി ശൈഖ് ഫഹദ് അല് മജീദും വ്യക്തമാക്കി. രാജ്യത്തിന്റെ നാനാഭാഗങ്ങളില് നിന്നുള്ള വിദഗ്ധരും പണ്ഡിതരും ഉള്പ്പെട്ട കമ്മിറ്റികള് ചര്ച്ചകളില് പങ്കുചേര്ന്നു.
Latest
ശബരിമല സ്വര്ണക്കൊള്ള കേസ്; മൊഴിപകര്പ്പുകള് ഇഡിക്ക് കൈമാറാന് എസ്ഐടി
യു എ ഇയില് കഴിഞ്ഞ വര്ഷം ലഭിച്ചത് 17,000 തൊഴില് പരാതികള്
നിക്ഷേപക സംഗമത്തിന് ഷാര്ജ വേദിയാകുന്നു
സംസ്ഥാനത്ത് സ്വര്ണവിലയില് വന് വര്ധന; പവന് 3000 രൂപ ഉയര്ന്നു
റിപബ്ലിക് ദിനാഘോഷത്തില് പ്രസംഗിക്കുന്നതിനിടെ ദേഹാസ്വാസ്ഥ്യം; മന്ത്രി കടന്നപ്പള്ളിയെ ആശുപത്രിയില് പ്രവേശിപ്പിച്ചു
യു എ ഇ-ഇന്ത്യ വിമാന നിരക്ക് ഉയരാന് സാധ്യത; സീറ്റുകളുടെ കുറവ് യാത്രക്കാര്ക്ക് തിരിച്ചടിയാകുന്നു
