എസ് എഫ് ഐ വനിതാ നേതാവിനെ മര്‍ദിച്ചു; ഡി വൈ എഫ്ഐ നേതാവിനെ സംഘടനയില്‍ നിന്ന് പുറത്താക്കി

ആലപ്പുഴ | എസ് എഫ് ഐ വനിതാ നേതാവിനെ ബൈക്കിടിപ്പിച്ചു വീഴ്ത്തിയ ശേഷം മര്‍ദിച്ച സംഭവത്തില്‍ ഡി വൈ എഫ് ഐ നേതാവിനെ സംഘടനയില്‍ നിന്ന് പുറത്താക്കി. ഡി വൈ എഫ് ഐ ഹരിപ്പാട് ബ്ലോക്ക് വൈസ് പ്രസിഡന്റായ അമ്പാടി ഉണ്ണിയെയാണ് പുറത്താക്കിയത്.

എസ് എഫ് ഐ ഹരിപ്പാട് ഏരിയാ പ്രസിഡന്റ് ചിന്നുവിനെ മര്‍ദിച്ചതിനാണ് നടപടി. മറ്റു നടപടികള്‍ സംബന്ധിച്ച് ഇന്ന് ചേരുന്ന ഡി വൈ എഫ്ഐ ആലപ്പുഴ ജില്ലാ നേതൃ യോഗത്തില്‍ തീരുമാനമെടുക്കും.

തലക്കും ദേഹത്ത് പല ഭാഗത്തും പരുക്കേറ്റ ചിന്നു ഹരിപ്പാട് താലൂക്ക് ആശുപത്രിയില്‍ ചികിത്സയിലാണ്. ഉണ്ണിയുടെ വിവാഹം മുടക്കാന്‍ ചിന്നുവും സുഹൃത്തും ശ്രമിച്ചെന്ന് ആരോപിച്ചായിരുന്നു ആക്രമണം.