International
പാക് നടി ഹുമൈറ അസ്ഗര്‍ അപാര്‍ട്ട്‌മെന്റില്‍ മരിച്ച നിലയില്‍; മൃതദേഹത്തിന് രണ്ടാഴ്ചത്തെ പഴക്കം
കഴിഞ്ഞ ഏഴ് വര്‍ഷമായി അപാര്‍ട്ട്‌മെന്റില്‍ ഒറ്റയ്ക്ക് താമസിച്ചുവരികയായിരുന്നു അസ്ഗര്‍.
കറാച്ചി | പാകിസ്താനില്‍ നടിയെ മരിച്ച നിലയില്‍ കണ്ടെത്തി. നടി ഹുമൈറ അസ്ഗറിനെ (32)യാണ് കറാച്ചിയിലെ ഇത്തിഹാദ് കൊമേഴ്സ്യല്‍ ഏരിയയിലെ ആറാം ഫേസിലെ അപ്പാര്‍ട്ട്‌മെന്റില്‍ മരിച്ച നിലയില്‍ കണ്ടെത്തിയത്. അഴുകിയ നിലയിലായിരുന്നു മൃതദേഹം. മരണ കാരണം വ്യക്തമല്ല.
വീട്ടില്‍ നിന്ന് ദുര്‍ഗന്ധം വമിച്ചതിനെ തുടര്‍ന്ന് അയല്‍വാസികള്‍ പോലീസിനെ വിവരമറിയിക്കുകയായിരുന്നു. പോലീസ് വാതില്‍ തകര്‍ത്ത് അകത്തുകയറി നടത്തിയ പരിശോധനയിലാണ് മൃതദേഹം കണ്ടെത്തിയത്. പരിശോധനയില്‍ മൃതദേഹത്തിന് രണ്ടാഴ്ചയിലേറെ പഴക്കമുണ്ടെന്ന് വ്യക്തമായതായി പോലീസ് പറഞ്ഞു.
കഴിഞ്ഞ ഏഴ് വര്‍ഷമായി അപാര്‍ട്ട്‌മെന്റില്‍ ഒറ്റയ്ക്ക് താമസിച്ചുവരികയാണ് അസ്ഗര്‍. ഇവര്‍ മാസങ്ങളോളമായി വാടക കൊടുത്തിരുന്നില്ലെന്നും വിവരമുണ്ട്. മരണത്തില്‍ അന്വേഷണം നടന്നുവരികയാണ്. പോസ്റ്റ്‌മോര്‍ട്ടത്തിനായി മൃതദേഹം ജിന്ന പോസ്റ്റ് ഗ്രാജുവേറ്റ് മെഡിക്കല്‍ സെന്ററിലേക്ക് മാറ്റിയിട്ടുണ്ട്.
Latest
മധ്യ പൗരസ്ത്യ മേഖലയിൽ ഊർജ മേഖല വൻ കുതിപ്പിൽ
അധ്യാപകനെതിരായ ലൈംഗിക പീഡന പരാതിയില്‍ നടപടിയെടുക്കാത്തതില്‍ പ്രതിഷേധിച്ച് തീ കൊളുത്തി; ഒഡിഷയില്‍ കോളജ് വിദ്യാര്‍ഥിനി മരിച്ചു
വോട്ടർപട്ടിക പുതുക്കൽ: ബീഹാറിൽ 35.68 ലക്ഷം അനധികൃത വോട്ടർമാർ; കണക്ക് ഇനിയും ഉയർന്നേക്കും
ആലുവ പാലത്തില്‍വച്ച് ട്രെയിനിന്റെ അപായ ചങ്ങല വലിച്ച സംഭവം; കാസര്‍കോട് സ്വദേശിക്കെതിരെ കേസെടുത്തു ആര്‍പിഎഫ്
നിപ: അനാവശ്യ ആശുപത്രി സന്ദര്‍ശനം ഒഴിവാക്കണമെന്ന് കോഴിക്കോട് ജില്ലാ മെഡിക്കല്‍ ഓഫീസര്‍
ചികിത്സയ്ക്കായി അമേരിക്കയില്‍ പോയ മുഖ്യമന്ത്രി തിരിച്ചെത്തി
