From the print
ലൈംഗികാതിക്രമ കേസില്‍ ഒത്തുതീര്‍പ്പില്ല
സാമൂഹികാഘാതവും നീതിയുടെ താത്പര്യവും മുന്‍നിര്‍ത്തി നടപടികള്‍ തുടരണം.
ന്യൂഡല്‍ഹി | പ്രതിയും അതിജീവിതയും തമ്മിലുള്ള ഒത്തുതീര്‍പ്പിന്റെ അടിസ്ഥാനത്തില്‍ ലൈംഗികാതിക്രമക്കേസ് അവസാനിപ്പിക്കാനാകില്ലെന്ന് സുപ്രീം കോടതി. അധ്യാപകനെതിരായ പോക്സോ നിയമ പ്രകാരമുള്ള ലൈംഗികാതിക്രമ പരാതി അവസാനിപ്പിച്ച രാജസ്ഥാന്‍ ഹൈക്കോടതി വിധി സുപ്രീം കോടതി റദ്ദാക്കി. ഇരയുടെ പിതാവും അധ്യാപകനും തമ്മിലുള്ള ഒത്തുതീര്‍പ്പിന്റെ അടിസ്ഥാനത്തില്‍ ഹൈക്കോടതി നേരത്തേ കേസ് റദ്ദാക്കിയിരുന്നു.
എന്നാല്‍, കേസില്‍ കക്ഷികള്‍ക്കിടയില്‍ പരിഹരിക്കപ്പെടേണ്ട തര്‍ക്കം നിലനില്‍ക്കുന്നുണ്ടെന്നും എഫ് ഐ ആറും തുടര്‍ന്നുള്ള നടപടികളും റദ്ദാക്കണമെന്ന നിഗമനത്തില്‍ ഹൈക്കോടതി എങ്ങനെയെത്തിയെന്ന് മനസ്സിലാകുന്നില്ലെന്നും സുപ്രീം കോടതി നിരീക്ഷിച്ചു. ഹയര്‍ സെക്കന്‍ഡറി സ്‌കൂളില്‍ അധ്യാപകനില്‍ നിന്നുണ്ടായ പ്രവൃത്തി സ്വകാര്യ സ്വഭാവമുള്ളതും സമൂഹത്തില്‍ ഗുരുതര സ്വാധീനം ചെലുത്താത്തതുമായ കുറ്റകൃത്യമായി വിശേഷിപ്പിക്കാനാകില്ല. ലൈംഗികാതിക്രമവുമായി ബന്ധപ്പെട്ട കാര്യങ്ങള്‍ വിട്ടുവീഴ്ചയോടെയുള്ള റദ്ദാക്കലിന് അര്‍ഹമായ സ്വകാര്യ വിഷയമായി കണക്കാക്കാനാകില്ല.
ഇത്തരം കുറ്റകൃത്യങ്ങളുടെ സാമൂഹികാഘാതവും നീതിയുടെ താത്പര്യവും മുന്‍നിര്‍ത്തി നടപടികള്‍ തുടരേണ്ടതുണ്ട്. കേസില്‍ ചൂണ്ടിക്കാട്ടിയതു പോലുള്ള സംഭവം പോക്സോ നിയമത്തിലെ ഏഴാം വകുപ്പ് പ്രകാരം ‘ലൈംഗിാതിക്രമം’ എന്ന കുറ്റമാണ്.
മൂന്ന് മുതല്‍ അഞ്ച് വര്‍ഷം വരെ തടവും പിഴയും ലഭിക്കുന്ന കുറ്റകൃത്യമാണ്. ഇവ സമൂഹത്തിനെതിരായ കുറ്റമായി കണക്കാക്കുമെന്നും ജസ്റ്റിസുമാരായ സി ടി രവി കുമാര്‍, സഞ്ജയ്കുമാര്‍ എന്നിവരടങ്ങിയ ബഞ്ച് വ്യക്തമാക്കി.
Latest
സംസ്ഥാനത്ത് ഇന്നും നാളെയും ശക്തമായ മഴ തുടരും; കണ്ണൂരും കാസര്‍കോടും ഇന്ന് ഓറഞ്ച് അലര്‍ട്ട്
ഭര്‍ത്താവിനെ വിഷം കൊടുത്തു കൊലപ്പെടുത്തി; യുവതി അറസ്റ്റില്‍
അമേരിക്കയോട് ബംങ്കര്‍ ബ്ലസ്റ്റിങ് ബോംബുകള്‍ ആവശ്യപ്പെട്ട് ഇസ്‌റാഈല്‍; ഇറാനിലെ നതാന്‍സ് ആണവ സമുച്ചയം ആക്രമിക്കപ്പെട്ടതായി യു എന്‍ ആണവ ഏജന്‍സി
രാജ്ഭവനില്‍ ആര്‍ എസ് എസ് സൈദ്ധാന്തികരുടെ ചിത്രം; ഗവര്‍ണര്‍ക്കെതിരെ എസ് എഫ് ഐ
പരമാവധി 18 ദിവസം... അയൺ ഡോം ഠിം
ചേലോടെ ചെൽസി
