Pathanamthitta
സണ്‍ഡേ സ്‌കൂളിലെത്തിയ പന്ത്രണ്ടുകാരിക്കുനേരെ ലൈംഗികാതിക്രമം: അയല്‍വാസി അറസ്റ്റില്‍
25ന് രാവിലെ പള്ളി കോമ്പൗണ്ടില്‍ വച്ചായിരുന്നു അയല്‍വാസിയായ ഷിബു കുട്ടിക്കുനേരെ അതിക്രമം നടത്തിയത്.
പത്തനംതിട്ട | സണ്‍ഡേ സ്‌കൂളിലെത്തിയ 12 കാരിയെ ലൈംഗികാതിക്രമത്തിന് വിധേയനാക്കിയ കേസില്‍ അയല്‍വാസി അറസ്റ്റില്‍.മുണ്ടുകോട്ടക്കല്‍ വല്യയന്തി കൃപാഭവനം വീട്ടില്‍ ഷിബു(48) വാണ് അറസ്റ്റിലായത്.
25ന് രാവിലെ പള്ളി കോമ്പൗണ്ടില്‍ വച്ചായിരുന്നു അയല്‍വാസിയായ ഷിബു കുട്ടിക്കുനേരെ അതിക്രമം നടത്തിയത്.കുട്ടിയും കൂട്ടുകാരിയും ഒന്നിച്ച് വല്യയന്തിയിലെ പള്ളിയില്‍ ആരാധനയ്ക്കും സണ്‍ഡേ സ്‌കൂളിലും പങ്കെടുത്തതിനു ശേഷം വീട്ടില്‍ പോകാന്‍ ഗേറ്റിന് അടുത്തേക്ക് നടന്നപ്പോള്‍ മയിലിനെ കാണിക്കാമെന്ന് പറഞ്ഞു പ്രലോഭിപ്പിച്ച പ്രതി, പള്ളി കോമ്പൗണ്ടിനുള്ളിലേക്ക് വിളിച്ചുകൊണ്ടുപോയി ലൈംഗിക അതിക്രമം നടത്തുകയായിരുന്നു.
കൂട്ടുകാരിയുടെ അമ്മയോട് കുട്ടി കാര്യം പറഞ്ഞു.തുടര്‍ന്ന് ഇവര്‍ കുട്ടിയുടെ രക്ഷാകര്‍ത്താക്കളെ വിവരം അറിയിക്കുകയായിരുന്നു.പിന്നീട് വീട്ടുകാരാണ് പോലീസില്‍ അറിയിച്ചത്.തുടര്‍ന്ന് ശിശുക്ഷേമ സമിതിക്കു റിപ്പോര്‍ട്ട് നല്‍കുകയും, കോടതിയില്‍ കുട്ടിയുടെ മൊഴി രേഖപ്പെടുത്താനുള്ള നടപടി സ്വീകരിക്കുകയും ചെയ്തു.
മൈലപ്ര പള്ളിപ്പടിയില്‍ നിന്നുമാണ് പ്രതിയെ കസ്റ്റഡിയിലെടുത്തത്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു. എസ് ഐ ഐ വി ആഷ, എ എസ് ഐ ബീനാ ജി നായര്‍, സി പി ഓമാരായ ലേഖ, ആര്യ, അനന്ദു എന്നിവരാണ് പോലിസ് സംഘത്തില്‍ ഉണ്ടായിരുന്നത്.
Latest
ഇറാനിലെ ടെലിവിഷന്‍ ആസ്ഥാനത്ത് ഇസ്‌റാഈല്‍ ആക്രമണം; നിരവധി മാധ്യമപ്രവര്‍ത്തകര്‍ കൊല്ലപ്പെട്ടതായി റിപോര്‍ട്ട്
എയര്‍ ഇന്ത്യ വിമാനാപകടം: കൊല്ലപ്പെട്ട മെഡിക്കല്‍ വിദ്യാര്‍ഥികളുടെ കുടുംബാംഗങ്ങള്‍ക്ക് ഒരു കോടി രൂപ വീതം നല്‍കുമെന്ന് ഡോ. ഷംഷീര്‍ വയലില്‍
യുദ്ധ വ്യാപനത്തിനെതിരെ മാനവസമൂഹം ഒന്നിക്കണം : കാന്തപുരം
പ്രളയ സാധ്യത: നദീ തീരങ്ങളില്‍ പുതിയ മുന്നറിയിപ്പ്
ഇറാനിലെ ഇന്ത്യൻ വിദ്യാർത്ഥികളുടെ സുരക്ഷ ഉറപ്പാക്കുന്നുണ്ടെന്ന് കേന്ദ്ര സർക്കാർ
ഭാര്യക്കു നേരെ വെടിയുതിര്‍ത്ത ഭര്‍ത്താവ് അറസ്റ്റില്‍
