Kerala
റീല്‍സ് ചിത്രീകരണത്തിനായി കുടിവെള്ള ടാങ്കിലിറങ്ങി കുളി; യുവാക്കളെ നാട്ടുകാര്‍ പിടികൂടി പോലീസിന് കൈമാറി
ചേര്‍ത്തല മുന്‍സിപാലിറ്റിയുടെ മുഴുവന്‍ പ്രദേശങ്ങളിലേക്കും കുടിവെള്ളം എത്തുന്നത് ഇവിടെ നിന്നാണ്
ആലപ്പുഴ | ചേര്‍ത്തല പള്ളിപ്പുറത്ത് ആയിരങ്ങള്‍ ആശ്രയിക്കുന്ന കുടിവെള്ള ടാങ്കില്‍ ഇറങ്ങി കുളിച്ച യുവാക്കളെ പോലീസ് കസ്റ്റഡിയിലെടുത്തു. റീല്‍സ് ചിത്രീകരിക്കുന്നതിന്റെ ഭാഗമായാണ് യുവാക്കള്‍ ടാങ്കില്‍ ഇറങ്ങി കുളിച്ചത്. സംഭവം ശ്രദ്ധയില്‍പ്പെട്ട നാട്ടുകാര്‍ യുവാക്കളെ പിടികൂടി പോലീസിന് കൈമാറുകയായിരുന്നു. സംഭവത്തില്‍ മൂന്ന് യുവാക്കളെയാണ് പോലീസ് കസ്റ്റഡിയില്‍ എടുത്തു. യുവാക്കളുടെ കുളിയോടെ നിരവധി കുടുംബങ്ങളുടെ കുടിവെളളം മുട്ടി
ഇന്ന് വൈകുന്നേരം മൂന്നരയോടെയാണ് യുവാക്കള്‍ മുന്‍സിപ്പാലിറ്റിയുടെ വാട്ടര്‍ ടാങ്കില്‍ ഇറങ്ങി കുളിച്ചത്. വാട്ടര്‍ ടാങ്കിന് മുകളില്‍ നിന്നും യുവാക്കളുടെ ഉച്ചത്തിലുള്ള ശബ്ദങ്ങള്‍ കേട്ടതോടെയാണ് നാട്ടുകാര്‍ ശ്രദ്ധിച്ചത്. യുവാക്കളില്‍ ഒരാള്‍ വീഡിയോ ചിത്രീകരിക്കുകയും മറ്റ് രണ്ടു പേര്‍ വാട്ടര്‍ ടാങ്കിലേക്ക് ചാടുകയും ചെയ്യുകയുമായിരുന്നു.തുടര്‍ന്ന് യുവാക്കളെ താഴെയിറക്കി തടഞ്ഞുവെച്ച് പോലീസിന് കൈമാറുകയായിരുന്നു.
ചേര്‍ത്തല മുന്‍സിപാലിറ്റിയുടെ മുഴുവന്‍ പ്രദേശങ്ങളിലേക്കും കുടിവെള്ളം എത്തുന്നത് ഇവിടെ നിന്നാണ്. ഈ വെള്ളമാണ് യുവാക്കള്‍ പൂര്‍ണമായി മലിനമാക്കിയിരിക്കുന്നത്.
നിലവില്‍ യുവാക്കള്‍ക്കെതിരെ കേസെടുക്കുന്നത് സംബന്ധിച്ച് നടപടികള്‍ തുടരുകയാണ്. മുന്‍സിപാലിറ്റിയും വാട്ടര്‍ അതോറിറ്റിയും രേഖാ മൂലം പരാതി നല്‍കുന്നതോടെ കേസെടുക്കും. നിലവില്‍ മൂന്ന് യുവാക്കളും പോലീസ് കസ്റ്റഡിയിലാണ്
Latest
ആര്‍ എസ് സി ദുബൈ നോര്‍ത്ത് സോണ്‍ പുസ്തക ചര്‍ച്ച സംഘടിപ്പിച്ചു
മലപ്പുറത്ത് കാര്‍ സ്‌കൂട്ടറിലിടിച്ചുണ്ടായ അപകടത്തില്‍ രണ്ടര വയസുകാരന്‍ മരിച്ചു
റീല്‍സ് ചിത്രീകരണത്തിനായി കുടിവെള്ള ടാങ്കിലിറങ്ങി കുളി; യുവാക്കളെ നാട്ടുകാര്‍ പിടികൂടി പോലീസിന് കൈമാറി
മലപ്പുറത്ത് അയ്യാടന്‍ മലയില്‍ വിള്ളല്‍; 42 കുടുംബങ്ങളെ മാറ്റിപ്പാര്‍പ്പിച്ചു
അഹമ്മദാബാദ് വിമാന അപകടം; മരിച്ചവരുടെ ഡിഎന്‍എ പരിശോധനകള്‍ പൂര്‍ത്തിയായി
മുല്ലപ്പെരിയാര്‍ ഡാം നാളെ തുറക്കും; ജാഗ്രതാ നിര്‍ദ്ദേശം പുറപ്പെടുവിച്ചു
