International
പശ്ചിമേഷ്യയിലെ സ്ഥിതിഗതികള്‍ വഷളാക്കിയത് ഇറാന്; ഇസ്‌റാഈലിന് പിന്തുണയുമായി ജി-7 ഉച്ചകോടി
ഗസ്സയില്‍ ഉടന്‍ വെടിനിര്‍ത്തല്‍ പ്രഖ്യാപിക്കണമെന്നും പ്രശ്നങ്ങള്‍ ചര്‍ച്ച ചെയ്ത് പരിഹരിക്കണമെന്നും ഉച്ചകോടി.
ഒട്ടാവ | ഇസ്‌റാഈല്‍-ഇറാന് സംഘര്‍ഷത്തില്‍ ഇസ്‌റാഈലിനെ പിന്തുണച്ച് ജി-7 ഉച്ചകോടി. പശ്ചിമേഷ്യയിലെ സ്ഥിതിഗതികള്‍ വഷളാക്കിയത് ഇറാന് ആണെന്നും അതിനാല്‍ത്തന്നെ ഇസ്‌റാഈലിന് പ്രതിരോധിക്കാന്‍ അവകാശമുണ്ടെന്നും ജി-7 രാജ്യങ്ങളുടെ പ്രതിനിധികള്‍ പറഞ്ഞു. അതേസമയം, ഗസ്സയില്‍ ഉടന്‍ വെടിനിര്‍ത്തല്‍ പ്രഖ്യാപിക്കണമെന്നും പ്രശ്നങ്ങള്‍ ചര്‍ച്ച ചെയ്ത് പരിഹരിക്കണമെന്നും കാനഡയില്‍ നടക്കുന്ന ഉച്ചകോടി ആവശ്യപ്പെട്ടു.
പശ്ചിമേഷ്യയില്‍ അസ്ഥിരതയും ഭീകരതയും സൃഷ്ടിച്ചതിന്റെ പ്രധാന കാരണക്കാര്‍ ഇറാന് ആണെന്നും ഇറാന് ഒരിക്കലും ആണവായുധം കൈവശം വെക്കാന്‍ അവകാശമില്ലെന്നും ജി-7 രാഷ്ട്രങ്ങള്‍ പ്രസ്താവനയില്‍ പറഞ്ഞു. എത്രയും വേഗത്തില്‍ പ്രശ്നങ്ങള്‍ പരിഹരിക്കാന്‍ ഇറാന് തയ്യാറാകണമെന്നും ജി-7 പ്രതിനിധികള്‍ ആവശ്യപ്പെട്ടു.
അതിനിടെ, ജി-7 ഉച്ചകോടിയില്‍ നിന്ന് യു എസ് പ്രസിഡന്റ് ഡൊണാള്‍ഡ് ട്രംപ് മടങ്ങി. വാഷിങ്ടണില്‍ അദ്ദേഹത്തിന് ചില പ്രധാനപ്പെട്ട വിഷയങ്ങളില്‍ ഇടപെടേണ്ടതുണ്ടെന്നാണ് ഇക്കാര്യത്തില്‍ വൈറ്റ് ഹൗസിന്റെ വിശദീകരണം.
Latest
നിർദിഷ്ട ആറന്മുള വിമാനത്താവളം പദ്ധതി പ്രദേശത്ത് ഇലക്ട്രോണിക്സ് മാനുഫാക്ചറിംഗ് ക്ലസ്റ്റർ പദ്ധതിആരംഭിക്കാന്‍ നീക്കം; പിന്തുണച്ച് ഐടി വകുപ്പ്
ക്ഷേത്രദര്‍ശനത്തിനെത്തിയ വീട്ടമ്മയുടെ മാല കവര്‍ന്ന കേസ് ; നാടോടി സംഘത്തിലെ മൂന്നാം പ്രതിയുടെ അറസ്റ്റ് രേഖപ്പെടുത്തി
സമ്പൂര്‍ണ ആന്റിബയോട്ടിക് സാക്ഷരതയിലേക്ക് കേരളം
വിമാന അപകട സ്ഥലത്ത് നിന്ന് രാജു പട്ടേലിന് ലഭിച്ചത് 70 പവൻ സ്വർണാഭരണങ്ങൾ; 80,000 രൂപ; കുറേ രേഖകൾ
ചെറു രാഷ്ട്രങ്ങള്‍ക്ക് ചെറു ടെസ്റ്റുകള്‍; നിര്‍ണായക പരിഷ്‌കരണത്തിനൊരുങ്ങി ഐ സി സി
ഇറാന്-ഇസ്‌റാഈല്‍ സംഘര്‍ഷം: അടിയന്തര യോഗം ചേര്‍ന്ന് കുവൈത്ത് പ്രതിരോധ മന്ത്രാലയം
