International
ഇറാന്‍-ഇസ്‌റാഈല്‍ സംഘര്‍ഷം: അടിയന്തര യോഗം ചേര്‍ന്ന് കുവൈത്ത് പ്രതിരോധ മന്ത്രാലയം
അപകടസാധ്യതകളും പ്രതിസന്ധികളും തയ്യാറെടുപ്പുകളും വിലയിരുത്തി.
കുവൈത്ത് സിറ്റി | ഇറാന്‍-ഇസ്‌റാഈല്‍ സംഘര്‍ഷത്തിന്റെ പശ്ചാത്തലത്തില്‍ അടിയന്തരയോഗം ചേര്‍ന്ന് കുവൈത്ത് പ്രതിരോധ മന്ത്രാലയം. പ്രധാനമായും ആണവ നിലയങ്ങളില്‍ നിന്ന് രാജ്യത്തിനുണ്ടാകുന്ന അപകടസാധ്യതകളും നാശനഷ്ടങ്ങളും വിലയിരുത്തുന്നതിനാണ് കുവൈത്ത് ആര്‍മി ജനറല്‍ സ്റ്റാഫിന്റെ നേതൃത്വത്തില്‍ യോഗം ചേര്‍ന്നത്. സര്‍ക്കാര്‍ ഏജന്‍സികളുടെ പ്രതിനിധികളും യോഗത്തില്‍ പങ്കെടുത്തു.
ആരോഗ്യം, ഊര്‍ജം, ജലം എന്നീ മേഖലകളിലെ ശേഷി, അടിയന്തര ദുരന്ത സാഹചര്യങ്ങള്‍ നേരിടാനുള്ള സുപ്രധാന മേഖലകളുടെ സന്നദ്ധത എന്നിവ ഉള്‍പ്പെടെയുള്ള വിഷയങ്ങളും യോഗത്തില്‍ ചര്‍ച്ചയായതായും ആര്‍മി ജനറല്‍ സ്റ്റാഫ് വാര്‍ത്താക്കുറിപ്പില്‍ അറിയിച്ചു. പരിസ്ഥിതി നിരീക്ഷണ പദ്ധതികള്‍, സമുദ്ര വ്യോമ മേഖലകളില്‍ ഉണ്ടായേക്കാവുന്ന പ്രതിസന്ധികള്‍ എന്നിവ കൈകാര്യം ചെയ്യല്‍, ഡിഫന്‍സ് പദ്ധതികളുമായി ബന്ധപ്പെട്ട അധികാരികള്‍ തമ്മിലുള്ള ഏകോപന സംവിധാനങ്ങള്‍ തുടങ്ങിയവയും വിലയിരുത്തി.
സര്‍ക്കാര്‍ ഏജന്‍സികള്‍ തമ്മിലുള്ള സംയോജനം വര്‍ധിപ്പിക്കുന്നതിനും അപകട സാധ്യതകളെ നേരിടുന്നതിനും വലിയ തോതിലുള്ള തയാറെടുപ്പുകളും അവലോകനം ചെയ്തു. ഇറാനിലുള്ള കുവൈത്തികളെ രാജ്യത്തേക്ക് തിരിച്ചുകൊണ്ടു വരുന്നതിനുള്ള നടപടികള്‍ ആരംഭിച്ചതായും വിദേശകാര്യ മന്ത്രാലയം അറിയിച്ചു.
Latest
ഖമിനയി എവിടെയുണ്ടെന്നറിയാം, ഇല്ലാതാക്കാന്‍ ഇപ്പോള്‍ ഉദ്ദേശിക്കുന്നില്ല, നിരുപാധികമായി കീഴടങ്ങണം; ഭീഷണിയുമായി ട്രംപ്
കോഴിക്കോട് ഓടയില്‍ വീണ് യുവാവ് മരിച്ചു
മലപ്പുറം തിരൂരില്‍ ഒന്‍പത് മാസം പ്രായമുള്ള കുഞ്ഞിനെ ഒന്നര ലക്ഷം രൂപക്ക് വിറ്റു; മാതാവടക്കം മൂന്ന് പേര്‍ അറസ്റ്റില്‍
ആവശ്യം കെഎഫ്ഡിസി അംഗീകരിച്ചു; ഗവിയിലെ തൊഴിലാളികള്‍ സമരം അവസാനിപ്പിച്ചു
നിർദിഷ്ട ആറന്മുള വിമാനത്താവളം പദ്ധതി പ്രദേശത്ത് ഇലക്ട്രോണിക്സ് മാനുഫാക്ചറിംഗ് ക്ലസ്റ്റർ പദ്ധതിആരംഭിക്കാന്‍ നീക്കം; പിന്തുണച്ച് ഐടി വകുപ്പ്
ക്ഷേത്രദര്‍ശനത്തിനെത്തിയ വീട്ടമ്മയുടെ മാല കവര്‍ന്ന കേസ് ; നാടോടി സംഘത്തിലെ മൂന്നാം പ്രതിയുടെ അറസ്റ്റ് രേഖപ്പെടുത്തി
