Kozhikode
ഫുതൂഹ് അക്കാദമി: പ്രഥമ ബാച്ച് പഠനം പൂര്‍ത്തിയാക്കി
മൂന്ന് മാസം നീണ്ടുനിന്ന കോഴ്‌സിന് ഡോ. മുഹമ്മദ് അബ്ദുല്‍ ഹക്കീം അസ്ഹരി നേതൃത്വം നല്‍കി.
നോളജ് സിറ്റി| മര്‍കസ് നോളജ് സിറ്റിയിലെ പുതിയ സംരഭമായ ഫുതൂഹ് അക്കാദമിയില്‍ പഠനം പൂര്‍ത്തീകരിച്ച പ്രഥമ ബാച്ചിന് സര്‍ട്ടിഫിക്കറ്റ് നല്‍കി. ഇമാം അബ്ദുല്ലാഹില്‍ ഹദ്ദാദ് (റ) വിന്റെ വിശ്വപ്രസിദ്ധ ഗ്രന്ഥമായ ഹികം ആസ്പദമാക്കിയുള്ള കോഴ്‌സാണ് കഴിഞ്ഞ ദിവസം പൂര്‍ത്തിയായത്. മൂന്ന് മാസം നീണ്ടുനിന്ന കോഴ്‌സിന് ഡോ. മുഹമ്മദ് അബ്ദുല്‍ ഹക്കീം അസ്ഹരി നേതൃത്വം നല്‍കി.
പുരുഷന്മാരും സ്ത്രീകളുമടക്കം എണ്‍പതില്‍ അധികം ആളുകള്‍ ലോകത്തിന്റെ വിവിധ ഭാഗങ്ങളില്‍ നിന്ന് കോഴ്സ് പൂര്‍ത്തിയാക്കി. മര്‍കസ് നോളജ് സിറ്റിയിലെ ജാമിഉല്‍ ഫുതൂഹ് കേന്ദ്രീകരിച്ച് ഓഫ്‌ലൈനായും ഓണ്‍ലൈനായും ആണ് ക്ലാസുകള്‍ നടന്നത്. കോഴ്സ് വിജയകരമായി പൂര്‍ത്തിയാക്കിയവര്‍ക്കുള്ള സര്‍ട്ടിഫിക്കറ്റ് സമര്‍പ്പണത്തിനൊപ്പം ഇജാസത് കൈമാറ്റവും നടന്നു.
ഡോ. അബ്ദുല്‍ ഹകീം അസ്ഹരിയുടേത് അടക്കം വിവിധ പണ്ഡിതന്മാരുടെ പുതിയ ഹൃസ്വകാല കോഴ്‌സുകളാണ് ഫുതൂഹ് അക്കാദമിക്ക് കീഴില്‍ നടക്കുന്നത്. അടുത്ത ബാച്ചിലേക്കുള്ള അഡ്മിഷന്‍ അടുത്ത ദിവസങ്ങളില്‍ പ്രഖ്യാപിക്കുമെന്ന് സംഘാടകര്‍ അറിയിച്ചു.
Latest
വിമാനങ്ങള്‍ റദ്ദാക്കുന്നത് തുടര്‍ക്കഥയാക്കി എയര്‍ ഇന്ത്യ; മുടങ്ങിയത് അഞ്ച് സര്‍വീസുകള്‍
വൈദ്യുതി ഉപഭോഗത്തില്‍ വീണ്ടും കുറവ്; നിയന്ത്രണത്തില്‍ ഇളവ് ഏര്‍പ്പെടുത്താന്‍ കെ എസ് ഇ ബി
കുഴിനഖ ചികിത്സ: കലക്ടര്‍ക്കെതിരായ പരാമര്‍ശത്തില്‍ ഉറച്ച് ജോയിന്റ് കൗണ്‍സില്‍ നേതാവ്
ഹരിഹരന്റെ പ്രസ്താവന തെറ്റ്; നടപടി സംബന്ധിച്ച് പാര്‍ട്ടി ആലോചിക്കും: കെ കെ രമ
വിവാഹ വീട്ടില്‍ യുവാവ് ഷോക്കേറ്റു മരിച്ചു
കെ എസ് ഹരിഹരന്റെ സ്ത്രീ വിരുദ്ധ പരാമര്‍ശം; ഖേദം പ്രകടിപ്പിച്ച് കോണ്‍ഗ്രസ്സ്
