Kerala
വ്യാജപ്രചാരണത്തില്‍ വീണുപോയി; നോ ഹലാല്‍ വിവാദത്തില്‍ ക്ഷമ ചോദിച്ച് രാഹുല്‍ ഈശ്വര്‍
യുവതിയെ പിന്തുണച്ച് രാഹുല്‍ ഈശ്വര്‍ ട്വീറ്റ് ചെയ്തിരുന്നു.
കൊച്ചി | യുവതിയുമായി ബന്ധപ്പെട്ട നോ ഹലാല്‍ വിവാദത്തില്‍ മാപ്പ് പറഞ്ഞ് രാഹുല്‍ ഈശ്വര്‍. കൊച്ചിയില്‍ ഹോട്ടലില്‍ പന്നിയിറച്ചി വിളമ്പിയതുമായി ബന്ധപ്പെട്ട് മര്‍ദ്ദനമേറ്റെന്നായിരുന്നു തുഷാര അജിത്ത് എന്ന യുവതിയുടെ ആരോപണം. ഇതിന് പിന്നാലെ യുവതിയെ പിന്തുണച്ച് രാഹുല്‍ ഈശ്വര്‍ ട്വീറ്റ് ചെയ്തിരുന്നു.
🙏 Apologies for the earlier tweet. I am sorry that I fell for the wrong information which many of our friends also unknowingly fell for in national media. Hope we all correct. Will take more care in future. Facts are gods.
#FakeHalalAttack #ThusharaAjith @OpIndia_com pic.twitter.com/p5EJ0HqW7w
— Rahul Easwar (@RahulEaswar) October 29, 2021
എന്നാല്‍ പന്നിയിറച്ചിയുമായി ബന്ധപ്പെട്ടല്ല പ്രശ്നമുണ്ടായതെന്നും കടമുറിയുമായി ബന്ധപ്പെട്ട തര്‍ക്കമാണ് സംഘര്‍ഷത്തിന് കാരണമെന്നും പോലീസ് കണ്ടെത്തിയിരുന്നു. വ്യാജപ്രചാരണത്തില്‍ വീണുപോയെന്നും ദേശീയമാധ്യമങ്ങളില്‍ വന്ന വാര്‍ത്ത നിരവധി സുഹൃത്തുക്കളും വിശ്വസിച്ചെന്നും ക്ഷമ ചോദിക്കുന്നെന്നും രാഹുല്‍ ഈശ്വര്‍ ട്വീറ്റ് ചെയ്തു. എല്ലാവരും വസ്തുത മനസ്സിലാക്കുമെന്നും ഭാവിയില്‍ ഇത്തരം കാര്യങ്ങളില്‍ കൂടുതല്‍ ശ്രദ്ധിക്കുമെന്നും രാഹുല്‍ ഈശ്വര്‍ വ്യക്തമാക്കി. ബിജെപി നേതാവ് കെ സുരേന്ദ്രന്‍ അടക്കമുള്ളവര്‍ യുവതിയുടെ ആരോപണം സാമൂഹ്യമാധ്യമങ്ങളില്‍ പങ്കുവെച്ചിരുന്നു.യുവാക്കള്‍ കൈവശം വെച്ചിരുന്ന കടമുറി ലഭിക്കാനായി യുവതിയും സഹായികളും യുവാക്കളെ അക്രമിക്കുകയായിരുന്നെന്ന് പോലീസ് അന്വേഷണത്തില്‍ കണ്ടെത്തിയിരുന്നു. സംഭവത്തില്‍ യുവതിക്കെതിരെ കൊച്ചി ഇന്‍ഫോപാര്‍ക്ക് പോലീസ് കേസെടുത്തിട്ടുണ്ട്.
Latest
തലപ്പുഴ മാവോയിസ്റ്റ് വെടിവെപ്പ് കേസ്: കുറ്റപത്രം സമര്‍പ്പിച്ചു
തിരഞ്ഞെടുപ്പ്: കെജ്‌രിവാളിന് ജാമ്യം നല്‍കുന്നത് പരിഗണിക്കുമെന്ന് സുപ്രീം കോടതി
മഹാരാജാസ് കോളജില്‍ കെഎസ്‌യു പ്രവര്‍ത്തകനു നേരെ മര്‍ദനം;എട്ട് എസ്എഫ്‌ഐക്കാര്‍ക്കെതിരെ കേസ്
കടലേറ്റത്തിനും വന്‍ തിരകള്‍ക്കും സാധ്യത; കേരള തീരത്ത് റെഡ് അലര്‍ട്ട്
കനത്ത ചൂടില്‍ ഇതുവരെ മുന്നൂറോളം പശുക്കള്‍ ചത്തു; ക്ഷീരകര്‍ഷകര്‍ക്ക് സഹായം ഉറപ്പാക്കുമെന്ന് മന്ത്രി ചിഞ്ചുറാണി
തിരഞ്ഞെടുപ്പില്‍ അപരന്മാരെ വിലക്കാനാകില്ല: സുപ്രീം കോടതി
