Kozhikode
പ്രകൃതി വിഭവങ്ങളുടെ വീണ്ടെടുപ്പ്; അന്താരാഷ്ട്ര ഉച്ചകോടിക്കായി ഡോ. അബ്ദുസ്സലാം ചിക്കാഗോയിലേക്ക്
പുനരുത്പാദനം സാധ്യമാകാത്ത ജലം, വായു, മണ്ണ്, സൂര്യപ്രകാശം എന്നിവയുടെ സംരക്ഷണവും പരിപാലനവും സംബന്ധിച്ച് ഈ മാസം 26 മുതല്‍ 29 വരെയാണ് അന്താരാഷ്ട്ര ഉച്ചകോടി നടക്കുന്നത്.
നോളജ് സിറ്റി | അമേരിക്കയിലെ ചിക്കാഗോയില്‍ നടക്കുന്ന അന്താരാഷ്ട്ര ഉച്ചകോടിയില്‍ മര്‍കസ് നോളജ് സിറ്റി സി ഇ ഒ. ഡോ. അബ്ദുസ്സലാം മുഹമ്മദ് പങ്കെടുക്കും. ജലോപയോഗ-മാലിന്യ സംസ്‌കരണ മേഖലയിലെ അന്താരാഷ്ട്ര സംഘടനയായ ഡബ്ല്യു ഡബ്ല്യു എം ഐ യൂണിവേഴ്സിറ്റി ഓഫ് ഇലിനോയ്സ് ചിക്കാഗോ, പെര്‍ദു യൂണിവേഴ്സിറ്റി, യൂണിവേഴ്സിറ്റി ഓഫ് ഫ്ളോറിഡ എന്നിവയുടെ സഹകരണത്തോടെയാണ് ഉച്ചകോടി സംഘടിപ്പിക്കുന്നത്.
പുനരുത്പാദനം സാധ്യമാകാത്ത ജലം, വായു, മണ്ണ്, സൂര്യപ്രകാശം എന്നിവയുടെ സംരക്ഷണവും പരിപാലനവും സംബന്ധിച്ച് ഈ മാസം 26 മുതല്‍ 29 വരെയാണ് അന്താരാഷ്ട്ര ഉച്ചകോടി നടക്കുന്നത്. ലോകത്തിന്റെ വിവിധ ഭാഗങ്ങളിലെ നാല്‍പതോളം രാജ്യങ്ങളില്‍ നിന്നുള്ള വിദഗ്ധരാണ് ഉച്ചകോടിയില്‍ സംബന്ധിക്കുന്നത്.
മര്‍കസ് നോളജ് സിറ്റിയില്‍ നടപ്പാക്കിയിരിക്കുന്ന ജല, മാലിന്യ, വെളിച്ച, മണ്ണ് സംരംക്ഷണ പദ്ധതികളെ വിവിധ ലോക രാജ്യങ്ങളില്‍ നിന്നുള്ള വിദഗ്ധരുടെ മുന്നില്‍ അവതരിപ്പിക്കാനും അവരുടെ നാടുകളില്‍ നടപ്പാക്കിയ വിവിധ പദ്ധതികളെ കുറിച്ച് പഠിക്കാനും പദ്ധതികളില്‍ പരസ്പര സഹകരണം നടപ്പാക്കാനുമാണ് സമ്മിറ്റ് കൊണ്ട് ഉദ്ദേശിക്കുന്നത്. ഇതുവഴി മര്‍കസ് നോളജ് സിറ്റിയിലും പരിസര പ്രദേശത്തും പ്രായോഗികമായ ജലം സംരക്ഷണ-പുനരുപയോഗ പദ്ധതികള്‍ ആവിഷ്‌കരിക്കാന്‍ സാധിക്കുമെന്ന് ഡോ. അബ്ദുസ്സലാം പ്രത്യാശ പ്രകടിപ്പിച്ചു.
Latest
നിലമ്പൂരില്‍ എല്‍ ഡി എഫ് കണ്‍വന്‍ഷന്‍ തുടങ്ങി
കെ എസ് ആര്‍ ടി സി ബസ്സിന്റെ ചില്ല് തകര്‍ത്ത് ഡ്രൈവറെ മര്‍ദ്ദിച്ച പ്രതി ബംഗലുരുവില്‍ പിടിയില്‍
ബജറ്റ് ടൂറിസം: കെ എസ് ആര്‍ ടി സി കണ്ണൂര്‍ ഡിപ്പോ വീണ്ടും ഒന്നാമത്
മഴയില്‍ ചൂടാന്‍ കുടുംബശ്രീ ബ്രാന്‍ഡഡ് ആദി കുടയെത്തി
മേയിലെ റേഷന്‍ ബുധനാഴ്ച വരെ ലഭിക്കും
വിശുദ്ധ ഹജ്ജ് കര്‍മത്തിന് ബുധനാഴ്ച തുടക്കമാവും; തീര്‍ഥാടക ലക്ഷങ്ങള്‍ മക്കയിലെത്തി
