Kozhikode
വിദ്യാരംഭം കുറിച്ച് കുരുന്നുകള്; വര്ണാഭമായി മര്കസ് അലിഫ് ഡേ
ചടങ്ങുകള്ക്ക് സുല്ത്വാനുല് ഉലമ കാന്തപുരം എ പി അബൂബക്കര് മുസ്ലിയാര് നേതൃത്വം നല്കി.
മര്കസില് നടന്ന 'അലിഫ് ഡേ' വിദ്യാരംഭത്തിന് നേതൃത്വം നല്കി കാന്തപുരം എ പി അബൂബക്കര് മുസ്ലിയാര് അനുഗ്രഹ പ്രാര്ഥന നടത്തുന്നു.
കോഴിക്കോട് | അറിവിന്റെയും അക്ഷരങ്ങളുടെയും കേന്ദ്രമായ മര്കസില് അലിഫക്ഷരം കുറിക്കാന് ഒത്തുകൂടി നവാഗത വിദ്യാര്ഥികള്. ഇസ്ലാമിക പാഠശാലകളും മദ്റസകളും പ്രവര്ത്തനമാരംഭിക്കുന്നതിനു മുന്നോടിയായി മര്കസില് സംഘടിപ്പിച്ച അലിഫ് ഡേ വിദ്യാരംഭം വര്ണാഭമായി. ചടങ്ങുകള്ക്ക് സുല്ത്വാനുല് ഉലമ കാന്തപുരം എ പി അബൂബക്കര് മുസ്ലിയാര് നേതൃത്വം നല്കി.
പ്രാഥമിക വിഭ്യാഭ്യാസം മനുഷ്യന്റെ ഭാവിയില് ചെലുത്തുന്ന പങ്ക് വലുതാണെന്നും അതിനാല് മതിയായ ശ്രദ്ധയും പ്രാധാന്യവും നല്കേണ്ടതുണ്ടെന്നും കാന്തപുരം പറഞ്ഞു. അധ്യാപകരെയും രക്ഷിതാക്കളെയും നിരീക്ഷിച്ചാണ് കുട്ടികള് വളരുക. മാതൃകാപൂര്വമായിരിക്കണം അവരുടെ ജീവിതമെന്നും അദ്ദേഹം കൂട്ടിച്ചേര്ത്തു. സംസ്ഥാനത്തിനകത്തു നിന്നും പുറത്തുനിന്നുമായി മുന്നൂറോളം വിദ്യാര്ഥികള് ചടങ്ങില് പങ്കെടുത്തു.
രാവിലെ ഒമ്പത് മുതല് 12 വരെ നടന്ന പരിപാടിയില് മര്കസ് ഡയറക്ടര് ജനറല് സി മുഹമ്മദ് ഫൈസി അധ്യക്ഷത വഹിച്ചു. റെക്ടര് ഡോ. മുഹമ്മദ് അബ്ദുല് ഹകീം അസ്ഹരി സന്ദേശ പ്രഭാഷണം നടത്തി. അലിഫ് എഴുത്ത് ചടങ്ങുകള്ക്ക് സയ്യിദ് ശറഫുദ്ദീന് ജമലുല്ലൈലി, സയ്യിദ് ശിഹാബുദ്ദീന് അഹ്ദല് മുത്തനൂര്, സയ്യിദ് അബ്ദുസ്വബൂര് ബാഹസന് അവേലം, സയ്യിദ് മുഹമ്മദ് ബാഫഖി നേതൃത്വം നല്കി.
Latest
ഇറാനിലെ സൗത്ത് പാര്സ് ഗ്യാസ് ഫീല്ഡ് ആക്രമണം; അമേരിക്കക്കും ഖത്വറിനും പങ്കില്ലെന്ന് ട്രംപ്
ഈദ് നമ്മളിലേക്കെത്തുന്നത് അത്മീയ വിജയത്തിന്റെ ആഘോഷമായി:സയ്യിദ് ഇബ്റാഹീമുല് ഖലീല് അല് ബുഖാരി
പാര്ട്ടി പറഞ്ഞാല് മാത്രം മത്സരിക്കും; വെല്ലുവിളിക്കാനില്ല: കെ സുധാകരന്
സഊദിയിലെ പ്രധാന നഗരങ്ങളിലെ ഈദ് അല് ഫിത്വര് പ്രാര്ഥനാ സമയം പ്രഖ്യാപിച്ചു
ശവ്വാൽ പിറ തെളിഞ്ഞു; കേരളത്തിൽ നാളെ ചെറിയ പെരുന്നാൾ
പ്രണയ നൈരാശ്യം; കൊച്ചിയില് വന്ദേഭാരതിന് നേരെ കല്ലെറിഞ്ഞ യുവാവ് പിടിയില്
