ഗസ്സയിൽ വെടിനിർത്തലിന് സമ്മർദം തുടരുമെന്ന് അറബ് ലീഗ്

ബാ​ഗ്ദാ​ദ് | ഗ​സ്സ​യി​ൽ ശാശ്വതമായ വെ​ടി​നി​ർ​ത്ത​ലി​ന് സ​മ്മ​ർ​ദം തു​ട​രു​മെ​ന്ന് ആവർത്തിച്ച് അ​റ​ബ് ലീ​ഗ്. യു​ദ്ധം അ​വ​സാ​നി​ച്ചാ​ൽ പ്ര​ദേ​ശ​ത്തി​ന്റെ പു​ന​ർ​നി​ർ​മാ​ണ​ത്തി​ന് പ്ര​വ​ർ​ത്തി​ക്കു​മെ​ന്നും ഇറാഖ് തലസ്ഥാനമായ ബാ​ഗ്ദാ​ദി​ൽ ന​ടക്കുന്ന വാ​ർ​ഷി​ക ഉ​ച്ച​കോ​ടി​യി​ൽ നേ​താ​ക്ക​ൾ വ്യക്തമാക്കി.

ഫ​ല​സ്തീ​നി​ക​ളെ നി​ർ​ബ​ന്ധി​ച്ച് കു​ടി​യി​റ​ക്കുന്നത് അം​ഗീ​ക​രി​ക്കാ​നാ​കി​ല്ലെ​ന്ന് ഉച്ചകോടിയിൽ അതിഥിയായെത്തിയ യു എ​ൻ സെ​ക്ര​ട്ട​റി ജ​ന​റ​ൽ അ​ന്റോ​ണി​യോ ഗു​ട്ടെ​റ​സ് വ്യ​ക്ത​മാ​ക്കി. ഖ​ത്വ​ർ അ​മീ​ർ ഷെ​യ്ഖ് ത​മീം ബി​ൻ ഹ​മ​ദ് ആ​ൽ​ഥാ​നി, ഈ​ജി​പ്ത് പ്ര​സി​ഡ​ന്റ് അ​ബ്ദു​ൽ ഫ​ത്താ​ഹ് അ​ൽ​സീ​സി, സഊ​ദി വി​ദേ​ശ​കാ​ര്യ സ​ഹ​മ​ന്ത്രി ആ​ദി​ൽ അ​ൽ ജു​ബൈ​ർ എ​ന്നി​വ​രു​ൾ​പ്പെ​ടെ​യു​ള്ള​വ​ർ പ​ങ്കെ​ടു​ത്തു. സ്പാ​നി​ഷ് പ്ര​ധാ​ന​മ​ന്ത്രി പെ​ഡ്രോ സാ​ഞ്ച​സും അതിഥിയായെത്തി.

ഫ​ല​സ്തീ​ൻ രാ​ഷ്ട്രം പൂ​ർ​ണ​മാ​യി അം​ഗീ​ക​രി​ക്ക​പ്പെ​ടു​ന്ന ദ്വി​രാ​ഷ്ട്ര പ​രി​ഹാ​രം വേ​ണ​മെ​ന്നും ഇ​തി​നാ​യി അ​റ​ബ്-​ യൂ​റോ​പ്യ​ൻ സ​ഹ​ക​ര​ണം വേ​ണ​മെ​ന്നും സാ​ഞ്ച​സ് പ​റ​ഞ്ഞു.