halal
ഹലാല്‍ ഫുഡ് ഫെസ്റ്റുമായി യൂത്ത് കോണ്‍ഗ്രസ്
ഹലാല്‍ എന്നത് ഭീകരമായ പദമല്ലെന്ന് ശോഭാ സുബിന്‍ പറഞ്ഞു.
കൊടുങ്ങല്ലൂര്‍ | ഹലാല്‍ വിവാദമുയര്‍ത്തി സംഘപരിവാര്‍ വര്‍ഗീയ ധ്രുവീകരണത്തിന് ശ്രമിക്കുന്നതിനിടെ ‘ഹലാല്‍ ഫുഡ് ഫെസ്റ്റുമായി’ യൂത്ത് കോണ്‍ഗ്രസ്. കൈപ്പമംഗലം നിയോജക മണ്ഡലം കമ്മിറ്റിയാണ് ഫുഡ് ഫെസ്റ്റ് സംഘടിപ്പിച്ചത്. ‘ഭക്ഷണത്തില്‍ പോലും വര്‍ഗീയ വിഷം കലര്‍ത്തുന്ന സംഘപരിവാര്‍ അജന്‍ഡകള്‍ക്കെതിരെ, വിദ്വേഷ പ്രചാരണങ്ങള്‍ക്കെതിരെ’ എന്ന മുദ്രാവാക്യവുമായാണ് യൂത്ത് കോണ്‍ഗ്രസ് ഹലാല്‍ ഫുഡ് ഫെസ്റ്റ് നടത്തിയത്.
കൈപ്പമംഗലത്തെ എറിയാട് ചന്തയില്‍ നടന്ന പരിപാടി സംസ്ഥാന ജനറല്‍ സെക്രട്ടറി ശോഭാ സുബിന്‍ ഉദ്ഘാടനം ചെയ്തു. ഹലാല്‍ എന്നത് ഭീകരമായ പദമല്ലെന്ന് ശോഭാ സുബിന്‍ പറഞ്ഞു. അനുവദനീയമായ ശുദ്ധമായ ഭക്ഷണം എന്ന അര്‍ഥത്തില്‍ ഉപയോഗിക്കുന്ന പദത്തെ ദുരുപയോഗം ചെയ്ത് മത സ്പര്‍ധയുണ്ടാക്കാനാണ് ബി ജെ പിയും സംഘ് പരിവാറും ശ്രമിക്കുന്നത്. അതനുവദിക്കില്ലെന്നും അദ്ദേഹം കൂട്ടിച്ചേര്‍ത്തു.
കേരളത്തിലെ ഹോട്ടലുകളിലുള്ള ഹലാല്‍ ബോര്‍ഡുകള്‍ക്കെതിരെയും ഹലാല്‍ ഭക്ഷണത്തിനെതിരെയും സംഘപരിവാര്‍ രംഗത്തിറങ്ങിയ സാഹചര്യത്തിലാണ് സമരം. പന്നിയിറച്ചിയുമായി ഡി വൈ എഫ് ഐയുടെ ഫുഡ് സ്ട്രീറ്റ് സമരം നടക്കുന്നതിനിടെയാണ് യൂത്ത് കോണ്‍ഗ്രസ് സമരം എന്നതും ശ്രദ്ധേയമാണ്. നിയോജക മണ്ഡലം പ്രസിഡന്റ് പി എ മനാഫ് അധ്യക്ഷത വഹിച്ചു. പി കെ മുഹമ്മദ്, പി എച്ച് നാസര്‍, സലീമുദ്ദീന്‍ എന്‍ എസ് സംസാരിച്ചു. ഹഫീസ് ഇല്ലത്ത് ഹസീന, റിയാസ് കെ എന്‍ തമന്ന, ഷെഫി മൂസ, പി കെ ഷഫീര്‍ നേതൃത്വം നല്‍കി.
Latest
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
