തൃശൂര്‍ കാണിയാമ്പലില്‍ ബൈക്ക് ഇലക്ട്രിക് പോസ്റ്റില്‍ ഇടിച്ച് രണ്ടുപേര്‍ മരിച്ചു

തൃശൂര്‍|തൃശൂര്‍ കുന്നംകുളം കാണിയാമ്പലില്‍ ബൈക്ക് ഇലക്ട്രിക് പോസ്റ്റില്‍ ഇടിച്ച് അപകടം. അപകടത്തില്‍ രണ്ടുപേര്‍ മരിച്ചു. ഇന്ന് പുലര്‍ച്ചെ രണ്ട് മണിക്കാണ് അപകടമുണ്ടായത്.

കാവിലക്കാട് സ്വദേശികളായ കാവിലക്കാട് കൂളിയാട്ടില്‍ പ്രണവ് (26 ), കാവിലക്കാട് മമ്പറമ്പില്‍ ജിഷ്ണു (27 )എന്നിവരാണ് മരിച്ചത്. കാണിപ്പയ്യൂരില്‍ നിന്നും ബൈക്കില്‍ വരികയായിരുന്നു ഇവര്‍. കാണിയാമ്പാല്‍ പനങ്ങായി ഇറക്കത്തില്‍ വച്ച് ഇവര്‍ സഞ്ചരിച്ച ബൈക്ക് നിയന്ത്രണം വിട്ടു ഇലക്ട്രിക് പോസ്റ്റില്‍ ഇടിച്ചുമറിഞ്ഞാണ് അപകടം.