National
ഇ ഡി കേസില് സിദ്ദിഖ് കാപ്പന്റെ ജാമ്യാപേക്ഷ ഇന്ന് കോടതി പരിഗണിക്കും
ഇഡി കേസില് കൂടി ജാമ്യം ലഭിച്ചാല് സിദ്ദിഖ് കാപ്പന്റെ മോചനം സാധ്യമാകും.
മധുര | എന്ഫോഴ്സ്മെന്റ് ഡയറക്ടറേറ്റ് രജിസ്റ്റര് ചെയ്ത കേസില് മാധ്യമപ്രവര്ത്തകന് സിദ്ദിഖ് കാപ്പന്റെ ജാമ്യാപേക്ഷ ഇന്ന് പരിഗണിക്കും. ലക്നൗ സെഷന്സ് കോടതിയാണ് ഹരജി പരിഗണിക്കുക. ഉത്തര്പ്രദേശ് പോലീസ് രജിസ്റ്റര് ചെയ്ത കേസില് നേരത്തെ സിദ്ദിഖിന് ജാമ്യം ലഭിച്ചിരുന്നു. ഇഡി കേസില് കൂടി ജാമ്യം ലഭിച്ചാല് സിദ്ദിഖ് കാപ്പന്റെ മോചനം സാധ്യമാകും. നിലവില് ഉത്തര്പ്രദേശിലെ മധുര സെന്ട്രല് ജയിലിലാണ് സിദ്ദിഖ് കാപ്പന് ഉള്ളത്.
രണ്ടു വര്ഷത്തോളം നീണ്ട നിയമപോരാട്ടത്തിനൊടുവിലാണ് മാധ്യമ പ്രവര്ത്തകനും പത്രപ്രവര്ത്തക യൂണിയന് ഡല്ഹി ഘടകം മുന്സെക്രട്ടറിയുമായ സിദ്ദിഖ് കാപ്പന് സുപ്രിം കോടതി ജാമ്യം അനുവദിച്ചത്. ഉപാധികളോടെയാണ് ജാമ്യം. കാപ്പന് ആറാഴ്ച ഡല്ഹിയില് തുടരണം. ഡല്ഹി ജംഗ്പുരയുടെ അധികാര പരിധിയിലാണ് കാപ്പന് തുടരേണ്ടത്. വിചാരണ കോടതിയുടെ അനുമതിയില്ലാതെ ഡല്ഹി വിട്ടുപോകാന് പാടില്ല. ആറാഴ്ചയ്ക്ക് ശേഷം കാപ്പന് ഡല്ഹി വിടാമെന്നും സുപ്രിം കോടതി പറഞ്ഞു. കേരളത്തിലെത്തിയാലും എല്ലാ തിങ്കളാഴ്ചയും സ്റ്റേഷനിലെത്തി ഒപ്പുവെക്കണം. അന്വേഷണ ഉദ്യോഗസ്ഥര്ക്ക് മുന്നില് പാസ്പോര്ട്ട് സമര്പ്പിക്കണമെന്നും കോടതി നിര്ദേശിച്ചിരുന്നു
Latest
പ്രതീക്ഷിച്ച ഫലം കിട്ടിയില്ല; എല് ഡി എഫിനേറ്റ തിരിച്ചടിക്കുള്ള കാരണങ്ങള് പരിശോധിക്കും: മുഖ്യമന്ത്രി
കാഞ്ഞിരപ്പള്ളിയില് വിജയാഹ്ലാദ പ്രകടനത്തിനു നേരെ ആക്രമണം; മൂന്നുപേര്ക്ക് പരുക്ക്
ആഹ്ലാദപ്രകടനത്തിനിടെ സംഘര്ഷം; കോട്ടയത്ത് ഒരാള് കുഴഞ്ഞുവീണ് മരിച്ചു
ഇടത് മുന്നണിയുടെ അടിത്തറ തകര്ന്നിട്ടില്ല; തിരുത്തേണ്ട കാര്യങ്ങളുണ്ടെങ്കില് തിരുത്തി മുന്നോട്ട് പോകും: എം വി ഗോവിന്ദന്
സി പി ഐയില് നിന്ന് കോണ്ഗ്രസ്സില്; ജയിച്ചു കയറി ശ്രീനാദേവി കുഞ്ഞമ്മ
വിജയക്കൊടി പാറിച്ച് യു ഡി എഫ്; അപ്രതീക്ഷിത തിരിച്ചടിയില് വിറങ്ങലിച്ച് എല് ഡി എഫ്
