sudan fighting
സുഡാന്‍ ഏറ്റുമുട്ടല്‍: ഇ യു അംബാസഡര്‍ക്ക് മര്‍ദനമേറ്റു
അംബാസഡര്‍ ഐഡന്‍ ഒഹാരക്ക് ഖര്‍ത്വൂമിലെ വീട്ടില്‍ വെച്ചാണ് മര്‍ദനമേറ്റത്.
ഖര്‍ത്വൂം | സൈനികവിഭാഗങ്ങള്‍ തമ്മിലുള്ള ഏറ്റുമുട്ടല്‍ ശക്തമായ സുഡാനില്‍ യൂറോപ്യന്‍ യൂനിയന്‍ (ഇ യു) അംബാസഡര്‍ക്ക് മര്‍ദനമേറ്റു. അംബാസഡര്‍ ഐഡന്‍ ഒഹാരക്ക് ഖര്‍ത്വൂമിലെ വീട്ടില്‍ വെച്ചാണ് മര്‍ദനമേറ്റത്. ഐറിഷ് പൗരനായ അംബാസഡര്‍ക്ക് ഗുരുതുരമായി പരുക്കേറ്റിട്ടില്ലെന്ന് ഐറിഷ് വിദേശകാര്യ മന്ത്രി മൈക്കല്‍ മാര്‍ട്ടിന്‍ പറഞ്ഞു.
നയതന്ത്ര പ്രതിനിധികളെ സംരക്ഷിക്കുകയെന്ന ഉത്തരവാദിത്വത്തിന്റെ നഗ്നമായ ലംഘനമാണ് ഈ കൃത്യമെന്നും മന്ത്രി മാര്‍ട്ടിന്‍ പറഞ്ഞു. സുഡാനിലെ ഏറ്റുമുട്ടല്‍ മൂന്ന് ദിവസം പിന്നിട്ടപ്പോള്‍ 185 പേര്‍ കൊല്ലപ്പെടുകയും 1800ലേറെ പേര്‍ക്ക് പരുക്കേല്‍ക്കുകയും ചെയ്തുവെന്നാണ് യു എന്‍ പറയുന്നത്. തലസ്ഥാനമായ ഖര്‍ത്വൂമിലാണ് ഏറ്റുമുട്ടല്‍ സൂരക്ഷം.
സൈന്യവും അര്‍ധസൈനിക വിഭാഗമായ റാപിഡ് സപ്പോര്‍ട്ട് ഫോഴ്‌സസു(ആര്‍ എസ് എഫ്)മാണ് അധികാരത്തിനായി ഏറ്റുമുട്ടുന്നത്. വ്യോമാക്രമണവും ഷെല്ലിംഗും വെടിവെപ്പും റിപ്പോര്‍ട്ട് ചെയ്യുന്നുണ്ട്.
Latest
പരിസ്ഥിതി സൗഹൃദ നഗരത്തിന് തുണ; രണ്ട് ബഹുതല സൈക്കിള് പാത വരുന്നു
ബിഹാര് സ്വദേശിയായ യുവാവിനെ പുഴയില് കാണാതായി
ഇറാന് പ്രസിഡന്റിന്റെ മരണം: അനുശോചനം അറിയിച്ച് സഊദി രാജാവും കിരീടാവകാശിയും
വിട ക്ലോപ്പ്; യാത്രയയപ്പില് വിതുമ്പി ലിവര്പൂള് ആരാധകവൃന്ദം
ഹിറാ ഗുഹ വിളിക്കുന്നു
ഹജ്ജ്: മക്കയിലേക്കുള്ള പ്രവേശനത്തിന് കടുത്ത നിയന്ത്രണം
