Kerala
കെ എസ് ആര്‍ ടി ബസില്‍ യുവതിക്ക് നേരെ ലൈംഗിക അതിക്രമം; വടകര സ്വദേശി കസ്റ്റഡിയില്‍
നേരത്തെ സമാനമായ കേസില്‍ ഉള്‍പ്പെട്ട വടകര സ്വദേശി സവാദാണ് പോലീസ് കസ്റ്റഡിയിലായത്
തൃശൂര്‍ | കെ എസ് ആര്‍ ടി ബസില്‍ യുവതിക്ക് നേരെ ലൈംഗിക അതിക്രമം നടത്തിയ കേസില്‍ സ്ഥിരം കുറ്റവാളി കസ്റ്റഡിയില്‍. വടകര സ്വദേശി സവാദാണ് അറസ്റ്റിലായത്. ഇക്കഴിഞ്ഞ 14ന് മലപ്പുറത്തേക്കുള്ള കെ എസ്ആര്‍ ടി സി ബസില്‍ വച്ച് ലൈംഗിക അതിക്രമം നടത്തിയെന്ന പരാതിയിലാണ് ഇയാളെ ഇന്ന് കസ്റ്റഡിയില്‍ എടുത്തത്.
2023ല്‍ നെടുമ്പാശ്ശേരിയില്‍ വച്ച് ബസില്‍ തൃശൂര്‍ സ്വദേശിയായ യുവതിക്ക് നേരെ ലൈംഗിക അതിക്രമം നടത്തിയതിന് ഇയാള്‍ അറസ്റ്റിലായിരുന്നു. നെടുമ്പാശേരിയിലേതിന് സമാനമായ സംഭവം തന്നെയാണ് ഇക്കഴിഞ്ഞ 14നും ഉണ്ടായതെന്ന് തൃശൂര്‍ ഈസ്റ്റ് പോലീസ് വ്യക്തമാക്കി.
മലപ്പുറത്തേക്കുള്ള കെ എസ് ആര്‍ ടി സി ബസ് തൃശൂരില്‍ എത്തിയതോടെ യുവതി അതിക്രമം സംബന്ധിച്ച് പരാതി നല്‍കുകയായിരുന്നു. തൃശൂര്‍ ഈസ്റ്റ് പോലീസിന് നല്‍കിയ പരാതിയില്‍ കേസെടുത്ത പോലീസ് ഇന്നാണ് ഇയാളെ കസ്റ്റഡിയിലെടുത്തത്. വിശദമായി ചോദ്യം ചെയ്ത് വരികയാണ്. നേരത്തെ ലൈംഗികാതിക്രമ കേസില്‍ അറസ്റ്റ് ചെയ്തപ്പോള്‍ ഇയാളെ പിന്തുണച്ച് ചിലര്‍ രംഗത്തുവന്നിരുന്നു.
Latest
ഇസ്‌റാഈലിന് കടുത്ത മുന്നറിയിപ്പുമായി ആണവോര്‍ജ ഏജന്‍സി
അമിത് ഷാ ശകുനി, തമിഴ്നാട്ടില്‍ കറങ്ങി നടക്കുന്നു; എം എ ബേബി
വാര്‍ത്തകള്‍ തെറ്റിദ്ധാരണാജനകം: ഇംതിബിഷ് ഹെല്‍ത്ത് കെയര്‍
കെ എസ് ആര്‍ ടി ബസില്‍ യുവതിക്ക് നേരെ ലൈംഗിക അതിക്രമം; വടകര സ്വദേശി കസ്റ്റഡിയില്‍
ചീഫ് സെക്രട്ടറിയെ ഭീഷണിപ്പെടുത്തി വീണ്ടും കലക്ടര്‍ ബ്രോയുടെ എഫ് ബി പോസ്റ്റ്
അടക്ക പറിക്കുന്നതിനിടെ ഇരുമ്പുതോട്ടി വൈദ്യുതി ലൈനില്‍ തട്ടി ഷോക്കേറ്റ് യുവാവ് മരിച്ചു
