Kerala
ആലങ്കോട് വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ പ്ലസ് ടു വിദ്യാര്‍ഥികള്‍ പ്ലസ് വണ്ണുകാരെ ആക്രമിച്ചു; റാഗിങ് പരാതി
ഏഴ് പ്ലസ് ടു വിദ്യാര്‍ഥികളെ സ്‌കൂളില്‍ നിന്ന് സസ്‌പെന്‍ഡ് ചെയ്തു
തിരുവനന്തപുരം| ആലങ്കോട് വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ പ്ലസ് ടു വിദ്യാര്‍ഥികള്‍ പ്ലസ് വണ്ണുകാരെ ആക്രമിച്ചതായി പരാതി. അക്രമത്തില്‍ രണ്ട് വിദ്യാര്‍ഥികള്‍ക്ക് പരുക്കേറ്റു. സംഭവത്തില്‍ ഏഴ് പ്ലസ് ടു വിദ്യാര്‍ഥികളെ സ്‌കൂളില്‍ നിന്ന് സസ്‌പെന്‍ഡ് ചെയ്തു. ആറ്റിങ്ങല്‍ ആലങ്കോട് ഗവ. വിഎച്ച്എസ് ലാണ് കഴിഞ്ഞ ദിവസം പ്ലസ് ടു വിദ്യാര്‍ഥികളും പ്ലസ് വണ്‍ വിദ്യാര്‍ഥികളും തമ്മില്‍ സംഘര്‍ഷം ഉണ്ടായത്. പ്ലസ് ടു വിദ്യാര്‍ഥികള്‍, പ്ലസ് വണ്‍ വിദ്യാര്‍ഥികളോട് പേര് ചോദിച്ചപ്പോള്‍ ശബ്ദം കുറഞ്ഞു എന്നതിന്റെ പേരിലാണ് സംഘര്‍ഷമുണ്ടായത്.
പത്തോളം വരുന്ന പ്ലസ് ടു വിദ്യാര്‍ഥികളാണ് ജൂനിയര്‍ വിദ്യാര്‍ത്ഥികളെ ആക്രമിച്ചത്. അക്രമത്തില്‍ അമീന്‍, അമീര്‍, മുനീര്‍ എന്നിവര്‍ക്കാണ് ഗുരുതരമായി പരുക്കേറ്റത്. മൂന്ന് പേരുടെയും കണ്ണിനും തലയ്ക്കുമാണ് പരുക്കേറ്റത്. നഗരൂര്‍ പോലീസില്‍ അക്രമത്തിനിരായ വിദ്യാര്‍ഥികളുടെ രക്ഷകര്‍ത്താക്കള്‍ പരാതി നല്‍കിയിരുന്നു. പരാതിയുടെ അടിസ്ഥാനത്തില്‍ സ്‌കൂള്‍ മാനേജ്‌മെന്റ്, പിടിഎ രക്ഷകര്‍ത്താക്കള്‍, പോലീസ് എന്നിവരുടെ നേതൃത്വത്തില്‍ യോഗം ചേര്‍ന്ന് അടിയന്തര നടപടികള്‍ക്ക് നിര്‍ദേശം നല്‍കി.
Latest
മുനമ്പം വഖ്ഫ് ഭൂമി: സര്‍ക്കാറിനെയും കോടതിയെയും സമീപിക്കും; മുസ്‌ലിം സംഘടനാ നേതാക്കള്‍
സിറാജ് ക്യാമ്പയിന്‍: നാടെങ്ങും ആവേശപ്പെരുമഴ
ബിഹാര്‍ തിരഞ്ഞെടുപ്പ്: ആദ്യഘട്ട സ്ഥാനാര്‍ഥി പട്ടിക പ്രഖ്യാപിച്ച് കോണ്‍ഗ്രസ്സ്
കൂണ്‍ കഴിച്ചതിനെ തുടര്‍ന്ന് ദേഹാസ്വാസ്ഥ്യം; ആറുപേര്‍ ആശുപത്രിയില്‍
ഒമ്പത് വയസ്സുകാരിയുടെ മരണ കാരണം അമീബിക് മസ്തിഷ്‌ക ജ്വരമല്ല; വൈറല്‍ ന്യൂമോണിയയെന്ന് പോസ്റ്റ്‌മോര്‍ട്ടം റിപോര്‍ട്ട്
'ശ്രീകോവിലിലെ സ്വര്‍ണക്കൊള്ള': ശബരിമലയില്‍ പ്രത്യേക അന്വേഷണ സംഘം ഇന്നും പരിശോധന നടത്തി
