National
ഒ എന്‍ ജി സിയുടെ കോപ്റ്റര്‍ അറബിക്കടലില്‍ തകര്‍ന്നുവീണു; നാല് മരണം
മുംബൈ തീരത്ത് നിന്ന് 111 കിലോമീറ്റര്‍ അകലെ അറബിക്കടലില്‍ സ്ഥാപിച്ച സാഗര്‍ കിരണ്‍ എന്ന ഓയില്‍ റിഗ്ഗില്‍ ലാന്‍ഡ് ചെയ്യാന്‍ ശ്രമിക്കവെയാണ് കോപ്റ്റര്‍ തകര്‍ന്നുവീണത്.
ന്യൂഡല്‍ഹി | ഓയില്‍ ആന്‍ഡ് നാച്ച്വറല്‍ ഗ്യാസ് കോര്‍പറേഷന്‍ ലിമിറ്റഡി (ഒ എന്‍ ജി സി)ന്റെ ഹെലികോപ്റ്റര്‍ അറബിക്കടലില്‍ തകര്‍ന്നുവീണ് നാല് മരണം. രണ്ട് പൈലറ്റുമാരും ആറ് ഒ എന്‍ ജി സി ജീവനക്കാരും ഒരു കരാറുകാരനുമാണ് കോപ്റ്ററില്‍ ഉണ്ടായിരുന്നത്. ഇവരില്‍ അഞ്ച് പേരെ രക്ഷപ്പെടുത്തി. പവന്‍ ഹാന്‍സിന്റെ സികോര്‍സ്‌കൈ എസ് – 76 കോപ്റ്ററാണ് തകരന്നുവീണത്.
മുംബൈ തീരത്ത് നിന്ന് 111 കിലോമീറ്റര്‍ അകലെ അറബിക്കടലില്‍ സ്ഥാപിച്ച സാഗര്‍ കിരണ്‍ എന്ന ഓയില്‍ റിഗ്ഗില്‍ ലാന്‍ഡ് ചെയ്യാന്‍ ശ്രമിക്കവെയാണ് കോപ്റ്റര്‍ തകര്‍ന്നുവീണത്. റിഗിലെ ലാന്‍ഡിം ഏരിയക്ക് ഒന്നര കിലോമീറ്റര്‍ അകലെവെച്ചാണ് സംഭവം.
സാഗര്‍ കിരണില്‍ ഉണ്ടായിരുന്ന ബോട്ട് ഉപയോഗിച്ചാണ് രക്ഷാപ്രവര്‍ത്തനം നടത്തിയത്. ഈ ബോട്ടില്‍ ഒരാളെയും ഓഫ്‌ഷോര്‍ സപ്ലൈ വെസ്സലായ മാല്‍വിയ 16ല്‍ അഞ്ച് പേരെയും രക്ഷപ്പെടുത്തി. അപകടത്തില്‍ കാരണം വ്യക്തമല്ല.
ഒഎന്‍ജിസിക്ക് അറബിക്കടലില്‍ നിരവധി റിഗുകളും ഇന്‍സ്റ്റാളേഷനുകളും ഉണ്ട്. കടലിനടിയില്‍ കിടക്കുന്ന റിസര്‍വോയറുകളില്‍ നിന്ന് എണ്ണയും വാതകവും ഉത്പാദിപ്പിക്കാനാണ് ഇവ ഉപയോഗിക്കുന്നത്.
Latest
രാഷ്ട്രീയ പാരമ്പര്യമാണ് അന്‍വര്‍ ഉദ്ദേശിച്ചത് ജൈവപരമായി കാണേണ്ടതില്ല; എംവി ഗോവിന്ദന്‍
സുപ്രീംകോടതി നിര്‍ദേശത്തിന് പിന്നാലെ മാപ്പപേക്ഷിക്കുന്ന പുതിയ പത്രപരസ്യവുമായി ബാബ രാംദേവ്
വയോധിക ദമ്പതികളെ കൊലപ്പെടുത്തിയ കേസ്: പ്രതി കുറ്റക്കാരന്‍, ശിക്ഷാവിധി ഏപ്രില്‍ 29ന്
ജിം ഉടമ യുവാവിനെ കുത്തിയ സംഭവം; വധശ്രമത്തിന് കേസെടുത്തു
മഞ്ഞുമ്മല്‍ ബോയ്‌സ് സിനിമയുടെ നിര്‍മ്മാതാക്കള്‍ക്കെതിരെ കേസെടുത്തു
പാര്‍ക്കിംഗില്‍ നിര്‍ത്തിയിട്ട ബൈക്ക് മോഷ്ടിച്ച 21കാരന്‍ അറസ്റ്റില്‍
