Saudi Arabia
മക്ക ഐ സി എഫ് വീട് നിര്‍മിച്ചു നല്‍കി
രണ്ടു പതിറ്റാണ്ടിലധികമായി മക്കയില്‍ പ്രവാസ ജീവിതം നയിക്കുന്ന മക്കരപ്പറമ്പ് സ്വദേശിക്കാണ് വീട് നല്‍കിയത്.
മക്ക | കേരള മുസ്‌ലിം ജമാഅത്തിന്റെ സാന്ത്വനം ദാറുല്‍ ഖൈര്‍ പദ്ധതിയില്‍ ഉള്‍പ്പെടുത്തി മക്ക ഐ സി എഫ് വീട് നിര്‍മിച്ചു നല്‍കി. രണ്ടു പതിറ്റാണ്ടിലധികമായി മക്കയില്‍ പ്രവാസ ജീവിതം നയിക്കുന്ന മക്കരപ്പറമ്പ് സ്വദേശിക്കാണ് വീട് നല്‍കിയത്.
കഴിഞ്ഞ സെപ്തംബറില്‍ മക്ക ഐ സി എഫ് പ്രസിഡന്റ് അബ്ദു റഷീദ് അസ്ഹരി തറക്കല്ലിട്ട പ്രവൃത്തി ക്ഷേമകാര്യ സെക്രട്ടറി ജമാല്‍ കാക്കാടിന്റെ മേല്‍നോട്ടത്തിലായിരുന്നു പൂര്‍ത്തിയാക്കിയത്. മക്ക ഐ സി എഫിന്റെ മൂന്നാമത്തെ ദാറുല്‍ ഖൈര്‍ വീടാണിത്. 2018 ലെ പത്തുമല ഉരുള്‍ പൊട്ടലില്‍ വീട് നഷ്ടപ്പെട്ടവര്‍ക്കാണ് ആദ്യം വീട് നല്‍കിയത്. പിന്നീട് വയനാട് പ്രളയ ബാധിതര്‍ക്ക് ഒരു വീടും നല്‍കി. മക്ക ഐ സി എഫിന്റെ തന്നെ നാലാമതൊരു വീടിന്റെ കൂടി നിര്‍മാണ പ്രവൃത്തി നടന്നു കൊണ്ടിരിക്കുന്നു.
കഴിഞ്ഞ റമസാനില്‍ പ്രവാസം മതിയാക്കി നാട്ടിലേക്ക് മടങ്ങിയ എല്ലാ യൂണിറ്റുകളില്‍ നിന്നുമുള്ള ഒരാള്‍ക്ക് ധനസഹായം ഐ സി എഫ് നല്‍കിയിരുന്നു. ജീവ കാരുണ്യ, സാന്ത്വന പ്രവര്‍ത്തനങ്ങളില്‍ മക്ക ഐ സി എഫ് കൂടുതല്‍ ശ്രദ്ധ കേന്ദ്രീകരിച്ചു വരുന്നു.
വീടിന്റെ താക്കോല്‍ സമര്‍പ്പണം സുല്‍ത്താനുല്‍ ഉലമ കാന്തപുരം ഉസ്താദിന്റെ ആശീര്‍വാദത്തോടെ കേരള മുസ്‌ലിം ജമാഅത്ത് സംസ്ഥാന സെക്രട്ടറി സയ്യിദ് സയ്യിദ് ഇബ്രാഹീം ഖലീല്‍ ബുഖാരി നിര്‍വഹിച്ചു. പേരോട് അബ്ദുറഹ്മാന്‍ സഖാഫി, സഊദി നാഷണല്‍ സെക്രട്ടറി സിറാജ് കുറ്റ്യാടി, സഊദി വെസ്റ്റ് സെക്രട്ടറി ഷാഫി ബാഖവി മീനടത്തൂര്‍, അബൂബക്കര്‍ കണ്ണൂര്‍, നാസര്‍ തച്ചംപൊയില്‍, ഖയ്യൂം ഖാദിസിയ്യ, ഷബീര്‍ ഖാലിദ് സംബന്ധിച്ചു.
Latest
കൊടുവള്ളിയില്‍ നിന്ന് തട്ടിക്കൊണ്ടുപോയ യുവാവിനെ കൊണ്ടോട്ടിയില്‍ കണ്ടെത്തി
കെ എം ബഷീര്‍ കൊലപാതകം: പാസ്സ്‌പോര്‍ട്ട് പുതുക്കാന്‍ അനുമതി തേടി ശ്രീറാം; പോലീസ് റിപോര്‍ട്ട് ഹാജരാക്കാന്‍ കോടതി
അനാവശ്യ കാര്യങ്ങളില്‍ ഇ ഡി തലയിടുന്നു: സുപ്രീം കോടതി
മുനമ്പം കുടിയൊഴിപ്പിക്കല്‍ അപ്രായോഗികം: കമ്മീഷന്‍
കണ്ണൂര്‍ ഹജ്ജ് ഹൗസ് നിര്‍മാണത്തിനായി നിര്‍ബന്ധ പിരിവില്ല: ഹജ്ജ് കമ്മിറ്റി ചെയര്‍മാന്‍
മക്ക ഐ സി എഫ് വീട് നിര്‍മിച്ചു നല്‍കി
