മുത്തങ്ങ ചെക്പോസ്റ്റില്‍ നിരോധിത പുകയില ഉത്പന്നങ്ങളുടെ വന്‍ ശേഖരം പിടികൂടി; ഒരാള്‍ അറസ്റ്റില്‍

വയനാട്| വയനാട് മുത്തങ്ങ ചെക്‌പോസ്റ്റില്‍ ലോറിയില്‍ കടത്തിയ നിരോധിത പുകയില ഉത്പന്നങ്ങളുടെ വന്‍ ശേഖരം പിടികൂടി. 3495 കിലോ പുകയില ഉത്പന്നങ്ങളാണ് എക്സൈസ് പിടിച്ചെടുത്തത്. ഇന്നലെ രാത്രിയാണ് സംഭവം. സംഭവത്തില്‍ വയനാട് വാളാട് സ്വദേശി സഫീറിനെ എക്സൈസ് കസ്റ്റഡിയിലെടുത്തു. ബിയര്‍ വെയ്സ്റ്റിനടിയില്‍ ഒളിപ്പിച്ചാണ് പുകയില ഉത്പന്നങ്ങള്‍ കടത്താന്‍ ശ്രമിച്ചത്. ലോറിയില്‍ 200 ഓളം ചാക്കുകള്‍ ഉണ്ടായിരുന്നു. മാനന്തവാടി സ്വദേശിയാണ് ലോറി ഉടമയെന്നാണ് റിപ്പോര്‍ട്ട്.

പിടിയിലായ സഫീര്‍ മുമ്പ് കഞ്ചാവ് കേസില്‍ പിടിയിലായിട്ടുണ്ടെന്ന് എക്സൈസ് ഉദ്യോഗസ്ഥര്‍ പറഞ്ഞു. എക്സൈസ് ഇന്‍സ്പെക്ടര്‍ സന്‍ഫീര്‍ മുഹമ്മദിന്റെ നേതൃത്വത്തിലുള്ള സംഘമാണ് പുകയില ഉല്‍പ്പന്നങ്ങള്‍ പിടികൂടിയത്.