Kerala
പണം വാങ്ങി തടവുകാര്ക്ക് അനധികൃത സൗകര്യങ്ങള് നല്കി; ജയില് ഡി ഐ ജി. എം കെ വിനോദ് കുമാറിന് സസ്പെന്ഷന്
വിജിലന്സ് നടത്തിയ അന്വേഷണത്തില് വിനോദ് കുമാറിനെതിരെ തെളിവുകള് ലഭിച്ചിരുന്നു.
തിരുവനന്തപുരം | തടവുകാര്ക്ക് അനധികൃതമായി സൗകര്യങ്ങള് ഏര്പ്പെടുത്തി നല്കുന്നതിന് ലക്ഷങ്ങള് കൈപ്പറ്റിയ കേസില് ജയില് ഡി ഐ ജി. എം കെ വിനോദ് കുമാറിന് സസ്പെന്ഷന്. വിജിലന്സ് നടത്തിയ അന്വേഷണത്തില് വിനോദ് കുമാറിനെതിരെ തെളിവുകള് ലഭിച്ചിരുന്നു. വിജിലന്സ് നല്കിയ റിപോര്ട്ടിന്റെ അടിസ്ഥാനത്തിലാണ് നടപടി.
ടി പി ചന്ദ്രശേഖരന് വധക്കേസിലെ പ്രതികളായ കൊടി സുനി, അണ്ണന് സിജിത്ത് ഉള്പ്പെടെയുള്ളവരില് നിന്ന് പണം വാങ്ങി വഴിവിട്ട പരോള് ഉള്പ്പെടെയുള്ള സഹായങ്ങള് ചെയ്തുകൊടുത്തതായാണ് വിനോദ് കുമാറിനെതിരായ പ്രധാന ആരോപണം. അനധികൃത സ്വത്തു സമ്പാദനം, അഴിമതി എന്നീ കേസുകളിലും വിനോദ് കുമാറിന്റെ പേരില് അന്വേഷണം നടന്നുവരികയാണ്.
കൊടിസുനി 1.80 ലക്ഷം രൂപയും അണ്ണന് സിജിത്ത് 45,000 രൂപയും ഗൂഗിള്പേവഴി ജയില് ഡി ഐ ജിക്ക് കൈമാറിയെന്ന് വിജിലന്സ് അന്വേഷണത്തില് കണ്ടെത്തിയിരുന്നു. നേരിട്ടു വാങ്ങാതെ തടവുകാരുടെ ബന്ധുക്കളില് നിന്നാണ് വിനോദ്കുമാര് പണം സ്വീകരിച്ചിരുന്നത്. ഡി ഐ ജിയുടെ ഭാര്യയുടെ അക്കൗണ്ട് വഴിയും പണം കൈപ്പറ്റിയിരുന്നു.
Latest
യുദ്ധം കടുക്കുന്നു; ആക്രമണം തുടർന്നാൽ നാലാമത്തെ വലിയ കപ്പൽ പാതയും അടച്ചുപൂട്ടുമെന്ന് ഇറാന്റെ ഭീഷണി
രാഹുല് ഗാന്ധിക്ക് പ്രാദേശിക നേതാവിന്റെ ഗൗരവം പോലുമില്ല: മുഖ്യമന്ത്രി പിണറായി വിജയന്
ആന്ധ്രയിലെ വാഹനാപകടം: അനുശോചനം രേഖപ്പെടുത്തി പ്രധാനമന്ത്രി, മരിച്ചവരുടെ കുടുംബങ്ങള്ക്ക് രണ്ട് ലക്ഷം രൂപ പ്രഖ്യാപിച്ചു
ഇന്ത്യ സുഹൃദ് രാജ്യമെന്ന് ഇറാൻ; ഹോർമുസ് കടക്കാൻ അനുവദിക്കും; മറ്റു അഞ്ച് രാജ്യങ്ങൾക്കും പച്ചക്കൊടി
സംസ്ഥാനത്ത് സ്വര്ണ വിലയില് ഇടിവ്; പവന് 480 രൂപ കുറഞ്ഞു
ഗ്ലാസ് ചിഹ്നം പട്ടികയിലില്ല; പ്രതിസന്ധിയിലായി കോഴിക്കോട് സൗത്തില് അഹമ്മദ് ദേവര് കോവില്
