mullaperiyar dam
മുല്ലപ്പെരിയാറില്‍ ബേബി ഡാം ബലപ്പെടുത്താന്‍ മരം മുറിക്കാന്‍ അനുമതി വനം മന്ത്രിയുടെ അറിവോടെയല്ലെന്ന് സൂചന
കഴിഞ്ഞ ദിവസം ഡാം സന്ദര്‍ശിച്ച തമിഴ്‌നാട് സംഘം മുല്ലപ്പെരിയാറിലെ ബേബി ഡാം ബലപ്പെടുത്താന്‍ മരം മുറിക്കണം എന്ന് ആവശ്യപ്പെട്ടിരുന്നു
തിരുവനന്തപുരം | മുല്ലപ്പെരിയാറില്‍ ബേബി ഡാം ബലപ്പെടുത്താന്‍ മരങ്ങള്‍ മുറിക്കാന്‍ തമിഴ്‌നാടിന് അനുമതി നല്‍കിയത് കേരള വനം മന്ത്രി അറിയാതെയെന്ന് സൂചന. സംഭവത്തില്‍ പ്രിന്‍സിപ്പല്‍ ചീഫ് കണ്‍സര്‍വ്വേറ്റീവ് ഓഫ് ഫോറസ്റ്റ് ആന്‍ഡ് ലൈഫ് വാര്‍ഡനോട് മന്ത്രി വിശദീകരണം തേടി. അടിയന്തരമായി റിപ്പോര്‍ട്ട് നല്‍കണം എന്നാണ് വനം മന്ത്രി എ കെ ശശീന്ദ്രന്‍ ആവശ്യപ്പെട്ടിരിക്കുന്നത്.
ചീഫ് പ്രിന്‍സിപ്പല്‍ കണ്‍സര്‍വേറ്റര്‍ ഓഫ് ഫോറസ്റ്റ് ബെന്നിച്ചന്‍ തോമസാണ് മരം മുറിക്കാന്‍ അനുമതി നല്‍കിയത്. എന്നാല്‍ ഇതിനെക്കുറിച്ച് വനം മന്ത്രി പോലും അറിഞ്ഞില്ലെന്ന വിവരമാണ് പുറത്ത് വരുന്നത്. തമിഴ്‌നാട് മുഖ്യമന്ത്രി എം കെ സ്റ്റാലിന്‍ മരം മുറിക്കാന്‍ അനുമതി നല്‍കിയതിന് നന്ദി അറിയിച്ച് കേരള മുഖ്യമന്ത്രി കത്തയച്ചതോടെയാണ് വിവരം പുറത്തറിയുന്നത്. ഇതിനെത്തുടര്‍ന്നാണ് വനം മന്ത്രി അടിയന്തര റിപ്പോര്‍ട്ട് ആവശ്യപ്പെട്ടത്.
കഴിഞ്ഞ ദിവസം ഡാം സന്ദര്‍ശിച്ച തമിഴ്‌നാട് സംഘം മുല്ലപ്പെരിയാറിലെ ബേബി ഡാം ബലപ്പെടുത്താന്‍ മരം മുറിക്കണം എന്ന് ആവശ്യപ്പെട്ടിരുന്നു. 40 സെന്റ് സ്ഥലത്തെ 15 മരങ്ങള്‍ മുറിക്കാനാണ് ഇപ്പോള്‍ അനുമതി നല്‍കിയിരിക്കുന്നത്. ഇതാണ് വനം മന്ത്രിയുടെ അറിവോടെയല്ലെന്ന വിവരം പുറത്ത് വരുന്നത്.
Latest
നടപടി കടുപ്പിച്ച് ഇന്ത്യ; പാകിസ്ഥാനില്‍ നിന്നുള്ള എല്ലാ ഇറക്കുമതികളും നിരോധിച്ചു
ബിഹാറില്‍ ഓര്‍ക്കസ്ട്ര നര്‍ത്തകിയെ ഭര്‍ത്താവിന്റെ മുന്നിലിട്ട് ക്രൂരമായി പീഡിപ്പിച്ചു; രണ്ട് പേര്‍ പിടിയില്‍
സിറിയൻ പ്രസിഡൻഷ്യൽ കൊട്ടാരത്തിന് സമീപം ഇസ്രാഈൽ വ്യോമാക്രമണം:സഊദി അറേബ്യ അപലപിച്ചു
ഹജ്ജ്: നിയമ ലംഘനങ്ങൾക്ക് കർശന ശിക്ഷ നൽകും; മുന്നറിയിപ്പുമായി സഊദി ആഭ്യന്തര മന്ത്രാലയം
പാതിവില തട്ടിപ്പ് കേസ്; യൂത്ത് ലീഗ് നേതാവ് കെ എ ബക്കര്‍ പോലീസില്‍ കീഴടങ്ങി
പാലക്കാട് മലമ്പുഴയില്‍ ട്രെയിന്‍ തട്ടി ഒന്‍പത് പശുക്കള്‍ ചത്തു
