ukrain- russia issue
പൗരന്മാരും വിദ്യാര്‍ഥികളും ഉടനെ യുക്രൈന്‍ വിടണമെന്ന് ഇന്ത്യ
കിട്ടുന്ന വാണിജ്യ, ചാര്‍ട്ടര്‍ വിമാനങ്ങളില്‍ ഇന്ത്യയിലെത്തണമെന്ന് എംബസി അറിയിച്ചു.
ന്യൂഡല്‍ഹി | സംഘര്‍ഷഭരിതമായ യുക്രൈനില്‍ നിന്ന് പൗരന്മാരും വിദ്യാര്‍ഥികളും താത്കാലികമായി തിരിച്ചുപോരണമെന്ന് ഇന്ത്യ. യുക്രൈനില്‍ തങ്ങുക അനിവാര്യമല്ലെങ്കില്‍ തിരികെ പോരണമെന്നാണ് ഇന്ത്യന്‍ എംബസി അറിയിച്ചത്. കിട്ടുന്ന വാണിജ്യ, ചാര്‍ട്ടര്‍ വിമാനങ്ങളില്‍ ഇന്ത്യയിലെത്തണമെന്ന് എംബസി അറിയിച്ചു.
വിമതരും യുക്രൈന്‍ സൈന്യവും ഏറ്റുമുട്ടല്‍ തുടരുന്നതാണ് നിലവിലെ സ്ഥിതിഗതിയെങ്കിലും ഏത് നിമിഷവും റഷ്യ ആക്രമിക്കുമെന്ന ഭീഷണിയുണ്ട്. വിദ്യാര്‍ഥികള്‍ എത്രയും വേഗം യുക്രൈന്‍ വിടണമെന്ന് നേരത്തേയും ഇന്ത്യ അറിയിച്ചിരുന്നു. യുക്രൈനില്‍ ആശങ്ക വര്‍ധിക്കുകയും അനിശ്ചിതാവസ്ഥ തുടരുകയും ചെയ്യുന്ന പശ്ചാത്തലത്തിലാണ് ഇന്ത്യന്‍ എംബസിയുടെ പുതിയ നിര്‍ദേശം.
യുക്രൈനിലെ ഇന്ത്യക്കാര്‍ക്ക് 24 മണിക്കൂറും സഹായം ലഭിക്കുന്ന കണ്‍ട്രോള്‍ റൂം വിദേശകാര്യ മന്ത്രാലയം ദിവസങ്ങള്‍ക്ക് മുമ്പ് ആരംഭിച്ചിരുന്നു. ചാര്‍ട്ടര്‍ വിമാനങ്ങള്‍ സംബന്ധിച്ച വിവരങ്ങള്‍ക്ക് തങ്ങളുടെ കരാറുകാരെ വിദ്യാര്‍ഥികള്‍ ബന്ധപ്പെടണമെന്നും എംബസി അറിയിച്ചു. പ്രധാനമായും മെഡിക്കല്‍ കോഴ്‌സുകളില്‍ മലയാളികള്‍ അടക്കം ആയിരക്കണക്കിന് ഇന്ത്യന്‍ വിദ്യാര്‍ഥികള്‍ യുക്രൈനിലുണ്ട്.
Latest
ലോഡ് ഷെഡിങ് ഏര്‍പ്പെടുത്തുമോ; ഉന്നതതല യോഗം ഇന്ന്
സംസ്ഥാനത്ത് ആശ്വാസമായി ഇന്ന് വേനല്‍ മഴയ്ക്ക് സാധ്യത
ശോഭ സുരേന്ദ്രന്‍, ദല്ലാള്‍ നന്ദകുമാര്‍ എന്നിവര്‍ക്കെതിരെ ഇ പി ജയരാജന്‍ ഡി ജി പിക്ക് പരാതി നല്‍കി
ക്രിക്കറ്റ് കളിക്കുന്നതിനിടെ 35 കാരന്‍ കുഴഞ്ഞുവീണ് മരിച്ചു
കെ ചന്ദ്രശേഖര്‍ റാവുവിനെ തെരഞ്ഞെടുപ്പ് കമ്മീഷന്‍ പ്രചാരണത്തില്‍ നിന്ന് വിലക്കി
ചിഹ്നം ലോഡ് ചെയ്ത വിവിപാറ്റ് യൂണിറ്റ് സ്ഥാനാര്‍ഥി സാക്ഷ്യപ്പെടുത്തണമെന്ന് തെരഞ്ഞെടുപ്പ് കമ്മിഷന്റെ പുതിയ പ്രോട്ടോക്കോള്‍
