ഐ എ എം ഇ ചെസ്സ് ചാമ്പ്യൻഷിപ്പ് സമാപിച്ചു

കോഴിക്കോട് | മാവൂർ മഹ്‌ളറ പബ്ലിക് സ്‌കൂളിൽ ഐഡിയൽ അസ്സോസിയേഷൻ ഫോർ മൈനോറിറ്റി എജ്യുക്കേഷൻ സംസ്ഥാനതലത്തിൽ സംഘടിപ്പിച്ച ചെസ്സ് ചാമ്പ്യൻഷിപ്പ് സമാപിച്ചു. അണ്ടർ 12, 14, 17, 19 ബോയ്‌സ് കാറ്റഗറിയിൽ ഫെസിൻ സമാൻ- മർകസ് പബ്ലിക് സ്‌കൂൾ ബാലുശ്ശേരി, മുഹമ്മദ് നജാഹ്- പന്താവൂർ ഇർശാദ് ഇംഗ്ലീഷ് സ്‌കൂൾ, കെ ഹംദാൻ- മർകസ് ഇന്റർനാഷനൽ സ്‌കൂൾ, വി പി റിസ്്വാൻ- സഫ ഇംഗ്ലീഷ് സ്‌കൂൾ മാട്ടൂൽ എന്നിവരും ഗേൾസ് വിഭാഗത്തിൽ ഹുസ്‌ന മുസമ്മിൽ- മുജമ്മഅ് ഇംഗ്ലീഷ് സ്‌കൂൾ, സി പി ഫാത്വിമ നസ്മിൻ- മഞ്ചേരി ഖദീജ ഇംഗ്ലീഷ് സ്‌കൂൾ, ആമിന ശുഹൈബ്- മുജമ്മഅ് ഇംഗ്ലീഷ് സ്‌കൂൾ, ആഇശ അശ്‌റഫ്- സഫ ഇംഗ്ലീഷ് സ്‌കൂൾ എന്നിവർ വ്യക്തിഗത ചാമ്പ്യന്മാരായി.

മുഹമ്മദ് ആദിൽ- പി എസ് എ വേൾഡ് പറക്കുളം, സയ്യിദ് മുഹമ്മദ്- സഫ മാട്ടൂൽ, മുഹമ്മദ് ശഫിൻ- ഇർശാദിയ്യ കൊളത്തൂർ, മുഹമ്മദ് നാദിഷ്- കാലിഫ് ലൈഫ് സ്‌കൂൾ, മെഹ്ജബിൻ- മാവൂർ മഹ്‌ളറ പബ്ലിക് സ്‌കൂൾ, ആമിന സിയ- എരഞ്ഞിപ്പാലം മർകസ് ഇന്റർനാഷനൽ സ്‌കൂൾ, ഹംദ സൈനബ് ഹാരിസ്- സഫ മാട്ടൂൽ, റായൻ അബ്ദുർറഹ്്മാൻ- കാരന്തൂർ മെംസ് ഇന്റർനാഷനൽ എന്നിവർ നാല് കാറ്റഗറികളിലെയും ഫസ്റ്റ് റണ്ണറപ്പായി തിരഞ്ഞെടുക്കപ്പെട്ടു.
മുഹ്താർ റബാഹ്- മർകസ് കൊയിലാണ്ടി, മുഹമ്മദ് മാഹിർ- സൈൻ മുളൂർ നെല്ലായ, അന്വയ്- ഉളിയിൽ മജ്‌ലിസ്, മുഹമ്മദ് ബിൻ അബ്ദുർറശീദ്- ദിഹ്്ലിസ് വേൾഡ്, ഫാത്വിമ തസീൻ- പുന്നയൂർ മഅ്ദിൻ, ആലിയ അശ്്റഫ്- സഫ മാട്ടൂൽ, ഫാത്വിമ ഇർഫാന – കെംസ്, നഷ ഫാത്വിമ- മേൽമുറി മഅ്ദിൻ തുടങ്ങിയവർ വിവിധ കാറ്റഗറികളിലായി സെക്കൻഡ് റണ്ണറപ്പുകളായി.
ഒളിമ്പ്യൻ കെ ടി ഇർഫാനാണ് ചാന്പ്യൻഷിപ്പ് ഉദ്ഘാടനം ചെയ്തത്. സമാപന സമ്മേളനത്തിൽ വിജയികൾക്കുള്ള സർട്ടിഫിക്കറ്റും ട്രോഫികളും വിതരണം ചെയ്തു. ഐ എ എം ഇ ഫിനാൻസ് സെക്രട്ടറി പ്രൊഫ. എ കെ അബ്ദുൽ ഹമീദ്, വൈസ് പ്രസിഡന്റ്മുഹമ്മദലി നൊച്ചയിൽ ഹാഫിസ് മുഹമ്മദ് അജ്മൽ സഖാഫി, മഹ്്ളറ പ്രിൻസിപ്പൽ ജംഷീർ, മഹ്‌ളറ ആർട്‌സ് ആൻഡ് സയൻസ് കോളജ് പ്രിൻസിപ്പൽ മുഹമ്മദ് സ്വാലിഹ്, മഹ്‌ളറ ഗ്രൂപ്പ് സെക്രട്ടറി അബ്ദുല്ല, മാനേജർ കെ പി അബ്ദുൽ അസീസ് പങ്കെടുത്തു.